هم اكتر ناس تخاف عليكي وعاوزين مصلحتك.ماينفعش تغفليهم كده وتسافري لحد هنا بدون علمهم ، يلا بينا هرجعك دلوقتي
سحبت يدها من بين كفه ووقفت مكانها تهتف باعتراض : انا مش صغيره يا مراد وعارفه كويس اوي انا بعمل ايه ، انا عاوزه اكون جنبك ازاي مش حاسس بيه ولا بمشاعري ، مراد انا هنا عشانك ، انا عملت حاجات كتير عشان بس اكون قريبه منك ، دخلت اعلام عشان اكون شيفاك طول الوقت ، انت قدوتي وعاوزه اكون زيك ، يا ريت تحس بيه وتشوفني بقى ، وجيت هنا عشان خايفه عليك ولازم افضل جنبك
جحظت عيناه بصدمه من هول ما سمعه ولم يفيق من صدمته الا عندما شعر بضمتها القويه وهي تهمس بقرب اذنه : بحبك يا مراد
انتفض جسده كأنه اصاب بماس كهربائي وهز راسه نافيا لم يحدث ، لم يبادلها العناق ولكن ابعد ذراعيها المحاطه بخصره بهدوء ، وسحبها خلفه دون ان يهتف بشي الي ان وصل لمكان سياره مروان ، هتف بصوت عالِ مناديه اياه ، ليقترب منه مروان بقلق
مد كفه له وهو يطلب مفاتيح سيارته : مفتاح عربيتك ، اسيا لازم ترجع القاهره فورا
اعطاه اياه دون نقاش وعاد ثانيا الي الخيمه ، اما مراد فتح لها باب السياره وهو يهمس بضيق : ادخلي
جلست بالمقعد الجانبي وجلس هو امام محرك المقود ليشق الرمال بسرعه فائقه احدثت صرير قوي اثر احتكاك عجلات السياره بالرمال لينطلق في طريق العوده الي القاهره تحت نظراتها الحزينه فهي الان تشعر بالخذلان من احب الناس لقلبها ، فبعد ان صارحته بمشاعرها حطم قلبها وجعلها تتجرع خيبه الامل ، انسابت دموعها ثانيا وظلت تتطلع للطريق بحزن دفين بعد ما كسر كل شي داخلها ….