ضم شقيقه لصدره وهو يقول بحزن : انا ماعنديش اغلي منك يا عبدالله ، وعشان كده بقولك علي الصح فين واعمله مش عاوزك تندم ولا تجرب اللي انا جربته ، قلبي انفتح للحب مره ولم مات الحب ، قلبي خلاص قفل عليه ، صعب يتشد لحد غيرها
شدد في عناقه وهو يؤمي براسه : ربنا يرحمها
اخرج تنهيده حارقه وهو يزفر انفاسه بألم ومراره الفقد : يارب ، انا متاكد انها في مكانه احسن من الدنيا بكتير ، بس صعبان علي قلبي خسارتها وعشان كده هي ماتتعوضش ، ومش ندمان علي الوقت اللي قضيته معاها ، كفايه ان لسه بحس بوجودها حواليا وشايف ضحكتها وبراءتها وشقاوتها ، مش عايز اعيش اللحظات دي مع حد غيرها .
لم يقدر علي مجادلته فهو يعلم بقلب شقيقه الذي انشطر الي نصفين بعدما رحلت عنه محبوبته ولم يدق قلبه لغيرها ، رحلت عن الدنيا دون وداع ….
بعدما ابتعد عن احضان شقيقه نظر له احمد برجاء : عشان خاطري بلاش تأدي اي بنت حتي لو علي حساب مستقبلك يا عبدالله ، مش حاجه زي دي اللي تختبر بيها نفسك وتعرف انك دكتور ناجح ولا لأ ، انت كمل مشوار الطب وربنا هيلهمك الصواب ، خلي توكالك عليه لا يمكن يضيعك ولا يخذلك
هزت راسه مؤكدا لحديث شقيقه : اوعدك هعمل كده
لاحت ابتسامته ثم حاوط عنقه وهو يقول بمكر : تعالي شوف البومه “سفروته “
ابتعد عنه بفزع وهو يشيح بكفه : لا ياعم الحنين بلا سفروته بلا زقروده انا انزل اساعد بسبوسه ارحم
ضحك احمد بخفه وهو يرأ خوف شقيقه من تلك المخلوقات الجميله التي يعشقها هو …….
_____________