_هدي…متغيرش إلا من ساعه ما عرفها
_الظابط…أيوه أتغير إزاي يعني
_هدي…ما بقاش طايقنا..ولا طايق البيت..
أكنها عملتلو سحر
_الظابط…آه..سحر!!! طيب يا حاجة..
فيه حاجه تاني عايزه تقوليها
_هدي…لأ يا باشا
_الظابط…إمضي واتفضلي إستني برا
_بقلم…محمد طه
_(تخرج ويدخل العسكري)_
_الظابط…دخل اللي بعدها..
وسيب اللي إسمها سهام دي للأخر
____________________________
_(عند سامر)_ (مخبأ سري)_ (سامر وضحي وعادل)_
_سامر بجديه…عايزين نكون جاهزين..عشان أول ما سهام هتخرج من النيابة هنبتدي مهمتنا
_ضحي…هنبتدي بمين يا رياسه
_سامر…سهام هيا اللي هتحدد هنبتدي بمين..
لأنها هيا دلوقتي اللي ف وسطيهم
_عادل…يا رياسه إحنا جاهزين..
وبعدين أنا عايز أنجز المهمه دي بسرعة..
عشان أرجع بلدي بقي..أنا زهقت
_ضحي…زهقت ولا وحشوك البنات بتوعك
_عادل…والنبي بلاش إنتي تتكلمي على البنات..
عشان إنتي لا محصله بنت ولا ولد
_ضحي…سامع يا رياسه بيقول إيه
_عادل…ما تدخليش الرياسه ف الموضوع..
المهم إن إحنا عايزين نختارلك إسم..
غير إسم ضحي ده..عايزين إسم كده يمشي ولد وبنت
_ضحي بعصبيه…ولاااااااا..إيه اللي يثبتلك إني أحلي من كل البنات اللي أنته تعرفهم دول