_سهام بتريقه… دا اسم كباريه ده ولا اسم العيله
_وليد… حضرتك انا كنت محضرلكم سهره ف
الكباريه عندي… أتمنى إن حضرتك تشرفيني
بقلم…محمد طه
_سهام بقبول… اه….. ومالو ميضرش
اصل انا بحب السهر أوي…
أنا اساساً مولوده ف كباريه..
ميغركش فستان الفرح اللي انا لبساه ده…
أنا هخش دلوقتي اقلعو واغيرو…
أنا عنواني ف البطاقه كباريه….
شارع الطبالين… محافظه الرقاصين…
يلا بقى تصبح على خير…
أهل جوزي جوه يقولو إيه….
(وتغلق الباب في وجهه)
سهام…… يوووووووه نسيت اقوله باي يا ليده
_________________________________
____أبو سامر ومكالمه تلفون_______
_أبو سامر…أيوه يا سليم
_سليم… نعمان باشا
_نعمان… هبعتلك لوكيشن دلوقتي…
خمس دقايق وتكون معايا
_سليم… أمرك يا نعمان باشا
____وبعد خمس دقايق وصل سليم _____
_نعمان… فيه روح عايزه تفارق الدنيا…
بس قالت مش هفارق إلا على ايدين سليم…
_سليم… وايدين سليم جاهزه
_نعمان… شوف الرقم اللي انته عايزه… واضربه ف اتنين
_سليم… يا باشا اللي اهم من الرقم رضا معاليك
_نعمان… طبعاً انته عارف الفيلا بتاعتي
_سليم… أشهر وافخم فيلا فيكي يا منطقه
_نعمان…الروح اللي موجوده دلوقتي فيها…
الليله تخَلص عليها…