_نهي…بدأت معامله تتغير مع بابا وماما..
وتقريباً منع الأكل ف البيت..
وأيام كتير كان بيبات برا البيت..
بس الغريبه إن معاملته معايه متغيرتش
_الظابط…إيه اللي تعرفيه عن البت اللي إتجوزها دي
_نهي…معرفش عنها غير إنها شوارعيه وتربيه شوارع
_الظابط…هوا أتعرف عليها من إمتي
_نهي بتفكير…من حوالي شهر أو شهرين مش متأكده
_الظابط…إمضي واتفضلي إستني برا
_بقلم…محمد طه
_____________________________
_(في بريطانيا قصر العزيزي باشا )_
_(العزيزي ونسرين ولين قاعدين على السفره بيفطرو)_
_لين…ها يا جدو..فكرت ف الموضوع اللي قولتلك عليه
_نسرين بإستغراب…موضوع..وسيباك تفكر..
هوا فيه إيه بيحصل من ورايا
_(العزيزي يبتسم وما يردش ويواصل الأكل)_
_لين لجدها…ضحكت تبقي موافق..يلا على بركه الله..
يعني إنته هتلاقي أحسن مني فين
_نسرين بعدم فهم…ما تفهمني يا بابا فيه إيه..
والبت دي عايزه منك إيه
_لين…ما تقولهاش يا جدو..خلي الموضوع سر بيني انا وأنته..عشان دي خالتي..
وأنا عرفاها لو عرفت..
هتحاول ترسم عليك وتخطفك مني
_العزيزي مبتسماً ويغيرالموضوع..بقولك إيه يا نسرين..
فيه شاب إتعين جديد ف الشركة.. ولما سألت..
(نسرين تحاول تتكلم يشاورلها بالسكوت ويكمل كلامه بجديه)
ولما سألت عرفت إن إنتي اللي عينتيه..
مع العلم إن الC.D بتاعه بالكتير يشتغل ف الأمن
(ويبص ف عنيها)_ إيه حكايه الشاب ده وباختصار