_ضحي باستعجال…إيه يا رياسه إحنا هنفضل قاعدين كده..
كلم اللي إسمه سليم ده..واعرفلنا مكانها فين
_سامر بحرص…غلط..أكبر غلط إني أكلمه..
عشان نعمان ما يشكش فيه..
هوا أول ما هيلاقي وقت متاح ليه هيكلمني..
بس بردو مش هنستنا لما هوا يكلمنا..
أنا هكتبلكم عنواين كل المخازن..
والأماكن السريه اللي تخص نعمان..
وكل واحد هيتحرك ف إتجاه..
واللي يوصل لحاجه يبلغ الباقيين
_عادل…إن شاءالله هنوصلها
_سامر وهوا بيكتب العنواين…هنوصلها..وأنا مطمن عليها..
طول ما سليم جنبها ومعاها..
أنا متأكد إنو مش هيسمح لنعمان إنو يأذيها..
(ويعلي صوته وبكل غضب)_ أوعي يا سليم تخليه يأذيها..
أوعي يا سليم تخليه يأذيها
_ضحي تجري عليه وتاخده ف حضنها…مش هيأذيها
مش هيأذيها مش هيأذيها
_____________________
_(المقر السري لنعمان)_
_سهام مربوطه ف عامود خرسانه..
وقدامها نعمان ومراته وسليم وحوالي 6 رجاله بسلا،ح
_مرات نعمان (هدي) تقرب من سهام..
وتضحك ضحكات سخرية وشماته ف سهام وتقولها…
دا إنتي هتشوفي من العذاب أشكال وألوان..
لحد ما تتمني المو،ت _(وتفت على وش سهام)_
_نعمان بغضب…إنتي بقي الحشره اللي هتعملي صداع..
_(ويمد إيده يمسكها من زورها)_
أنا عايزك تتخيلي جميع أنواع ومراحل التعذيب..
عشان هتعدي عليهم مرحله مرحله