_العزيزي باندهاش…خطير ومهم للغايه..
طيب إستني بقي لما ألبس النضارة..
عشان أستعد للموضوع الخطير والمهم للغايه ده
_لين…شوف بقى يا جدو أنا أخدت قرار..
والقرار ده ما فيهوش نقاش..
يعني هيتنفذ هيتنفذ هيتنفذ
_(بقلم…محمد طه)_
_العزيزي يتصنع الجديه ف الحوار..3 هيتنفذ..
مع حضرتك.. وما هوا هذا القرار إذاً
_لين…قررت إني هتجوزك..لإني مش هلاقي شاب لقطه وحليوه كده زيك
_العزيزي بصدمه…شاب ولقطه وحليوه وعيزاني أتجوزك
_لين…لأ يا جدو..أنا ما قولتش تتجوزني..
أنا بقول أنا اللي هتجوزك..ركز يا جدو
_العزيزي…حاضر هركز..بس عندي إستفسار بسيط..
أرجو من جناب حضرتك توضيحه..
ليه قررتي تتجوزيني..غير إني شاب ولقطه وحليوه
_لين…أنا أقولك..عشان أنته الوحيد..
اللي مش بتقولي على أي حاجة لأ..
لو عايزه أخرج جدو هوا اللي بيخرجني..
لو عايزه لعب وهدايا جدو هوا اللي بيجبلي..
لو عايزه فساتين جدو هوا اللي بيشتريلي..
حتي لما باكل جدو هوا اللي بيأكلني..
يبقي ليه بقي أروح أتجوز واحد..
يقولي على كل حاجه لأ لأ لأ..
ولما أخرج لوحدي يقولي رايحه فين..
ولما أرجع ف نص الليل متأخره يقولي كنتي فين ومع مين
_العزيزي يقلع النضارة ويرميها..
ويمسكها من أكتافها…هيا وصلت ل ترجعي ف نص الليل متأخره..إنتي سمعتي الكلام دا فين..إنطقي بسرعة