_نعمان وهوا بيشمر أكمام القميص…أول حاجه عايزها منك..
هتتنازلي عن كل حاجه كتبهالك سامر بإسمك..
تاني حاجه عايز أعرف مين اللي معاكي..
وتعرفو عني إيه..عشان لو فيه حاجه ناقصه أكملهالكم
_سهام وهيا بتبص لمراته…الحاجه الناقصه واقفه جنبك
_(مراته تروح عشان تضر،بها نعمان يوقفها)_
_سهام بدهاء…عالفكره يا نع نع أنا فكرت ف الطلب اللي أنته طلبته مني لليله إمبارح..
لما وزعت الحربايه وبنتها وجيتلي لوحدك..
وطلبتني للجواز..
_(وتبص ل هدي)_ تخيلي يا هدهوده..
حمايا طلبني للجواز وأنا لسه بفستان فرح إبنه
_هدي تبص لنعمان ودمها بيغلي…نعمان تعالا عيزاك
_(ويبعدو عن سهام ويتكلمو بصوت واطي)_
_(وسليم يقرب من سهام ويكلمها بصوت واطي جداً)_
_سليم…ضيعي ف وقت على قد ما تقدري..
سامر جاي ف الطريق
_(نعمان ومراته)_
_هدي…إيه الكلام اللي البت قالته دا يا نعمان
_نعمان…بتهلفط بأي كلام..دا إنتي تبقي إتجننتي لو صدقتيها
_هدي…وما أصدقهاش ليه..ما حاولتش تعملها قبل كده أكتر من مره..
ومع بنات أصغر منها..وأصغر من بنتك
_نعمان…أعقلي يا هدي..وخلينا نشوف..
هنعمل إيه ف المصيبه دي..قبل ما تخلص هيا علينا..
البت دي مش ساهله ومش لوحدها
_هدي بغل وكره…البت دي أنا هد،بحها وبإديا..
ومش هتبقي أحسن من اللي إتد،بحو قبل كده