مدحت: ربنا يعدي الايام الجايه دي علي خير نظر له فريد ثم نظر حيث تجلس ليله وعقله ينسج الخطط للتفريق بينهم ..
كان حسن يجلس بالقرب من عمته يطلب منها السماح له برقص مع منه ..
وفاء: ماتلم نفسك بقا يواد..
حسن: واد…بقي كل ده واد …وبعدين الم نفسي ليه مش خطيبتي وهتبقي مراتي حقي ارقص معاها …
وفاء بنفاذ صبر بس خلاص انزل من علي وداني يبااااي عليك ده انت زنان…
حسن: والنبي عسل ..يلا يا منونه ..والتقط يد منه وذهب بها مسرعاً …قام علي اثرهم شادي يمسك بيد لين يراقصها ..
بينما يقف رامي المنير بعيدا مع اصدقائه الي ان لمح ليله تجلس علي احدى الطاولات .
فاقترب منها وهو لا يصدق نفسه
رامي: معقول ليله..
ليله: رامي..ازيك
رامي: الحمدلله.. مبسوط اني شوفتك ..
جايه مع منه مش كده …ارتبكت ليله في الرد ..
فقالت ..اااايوه..اه جايه مع منه وطنط وفاء ..
احمم ..ااا وانت جاي هنا ليه ..
رامي: ايه ده انتي ماتعرفيش ولا ايه …انا اخو مدحت..
ليله: بذهول معقول
رامي: بحماس ايوه..تعالي ..تعالي معايا لازم اعرفك علي بابا وماما دول نفسهم يشفوكي اوووي من كتر كلامي عنك تعالي ..بسرعه… سحب يدها ولم يطرق لها حق الرفض او القبول واتجه الى حيث يقف والده مه والدته وفهد المنياوي.