قاطعها وقد فهمها خطئ.
فهد: خايفه ..خايفه مني طبعا مانا فهد الوحش ..حوز رانيا اللي انتي شايفاه شريكها في كل حاجه وانه بيحميها وخايف علي ام ابنه..ماتعرفيش حاجه .. ماتعرفيش ان انا نفسي معرفش اي حاجه عن اخوكي ……
ماتعرفيش الظروف والضغوط اللي خلاتني اتجوزها. ماتعرفيش اني عمري ماحبيتها عمري ماتقبلت ولا اعتبرت انها مراتي…كل مره كنت ببقا معاها بس عشان ماحسش بالذنب ناحيتها وعشان اديها حقها بس ..مع اني عارف ومتأكد ان انا بالنسبه لها بنك فلوس .. اسم بتتباهى بيه وتتحامي فيه…بس كنت صابر لاني عمري ماحبيت حد ولا عمر واحده شدتني ليها فكنت بقول بنت عمك اولي… لحد ماظهرتي انتي …من اول مره سمعت اسمك اتاخدت ..بس حاولت ماركزش ..كل مره كانت منه ولا عمتو بجيبوا سيرتك كنت بتشد للكلام غصب عني والاقيني مهتم وانا عمري ماكنت كده…كنت ببقي عاوز اسمع اكتر…عندي فضول اعرف عنك كل حاجه..بس طبعا قاومت عشان حسيت بالخطر..رفضت…ده انتي قد منه اللي انا اصلا مربيها وتعتبر بنتي اكيد مش هينفع..اول ما منه جت تمثل عليا خطتكوا اترعبت .. إذا كان مجرد ما اسمك بيتقال قدامي ببقي مش علي بعضي وعايز الكلام عنك مايقفش ..امال لما اتجوزك وتبقي علي اسمي لو لمده كام شهر …بس فضلت.. طول الليل اقنع نفسي انو جواز مؤقت وانك هتكوني ضيفه عندي…..كتبت الكتاب ومارضتش اشوف صورك حتي في القسيمه يمكن خوفت ..اذا كان من سيرتك بس…