فهد: امال انتي عايزه تلبسي ايه أن شاء الله ..
ليله: ده لبس نينا الحاجه مش لبس انسه صغيره أبدا …
كان صوتهم عالي جدآ جاء علي اثره الجميع
وفاء: في ايه ..في ايه يا فهد ..ايه يا ليله ..
فهد: الهانم مش عجباها الفساتين دي ..من اشهر بيت ازياء في أوروبا كلها….
ليله: ايوه بس لوحده عندها 60سنه مش 18سنه وفاء بذهول وهي تري الثياب التي بيد ليله …
ايه ده ايه ده يا مدام جوانا …هو زوقوا قل خالص كدا ليه ده انا نفسي مش بلبس كده ..
السيده جوانا:والله يا مدام هيدي التياب ياللي اختارن فهد بيك مالنا دخل..هو بيطلب ونحنا بنصمم…نظر الجميع بصدمه لفهد الواقف هل وصل به الامر لهنا نظر اليهم فهد وهم يرون الحديث في عينيه نعم نعم نعم اريد ان اخفيها من اعين الجميع ..اخاف ان يخطفها احد مني فلتعذروني …
زفرت وفاء بٱيس خلاص خلاص اهدي يا ليله ..وانتي يل مدام جوانا اتفضلي الفساتين بتاعتك احنا متشكرين جدا …
منه: بس ليله هتلبس ايه يا ماما
ليله: خلاص يا منه هلبس اي حاجه من عندي نظر لها فهد بحده وهي تبادله النظره بغضب وتحدي..
بعد مرور ثلاث ايام هاهو يوم فرح غاده اخت فهد المنياوي علي مدحت المنير ابن وزير الصحة ..فكان فرح الموسم كما يطلقون عليه اكبر قاعه في مصر وتجهيزات فوق الخيال ..