……..
وكانت ميرا في الاعلي تأخذ الغرفه ذهابا وايابا
تفكر في ماذا أراد خليل من امها فهي تبغضه بشدة
وجدت باب الغرفه يدق
ميرا : ادخل
دخلت الدادة وقالت :ميرا مدام ثريه عايزاكي
حاضر يا دادة روحي وانا هحصلك
لكن أوقفتها:هو خليل مشي
ردت المربيه بهدوء :أيوة يا بنتي
ميرا :تمام
وتوجهت لغرفه أمها
دقت علي الباب لتاذن لها امها بالدخول
وقالت ببتسامه مصطنعه : كنت عايزاني يا ماما
ثريه بهدوء :أيوة تعالي
ذهبت وجلست بجانب امها
ثريه بقلق من رد فعل ابنتها: انا هطلب منك طلب
وعيزاكي تعرفي أني عايزة مصلحتك
عشان احميكي و اضمن انك هتكوني في امان
واكملت :انا مش هعيشلك طول العمر
ميرا وقد قلقت من نبرة والدتها
ميرا بخوف : بعد الشر عليكي يا ماما
واكملت : انا هعمل عشانك اي حاجه
ثريه وهي تكاد تموت خوف من رد فعل ابنتها : ميرا حببتي انا عايزاكي تتجوزي خليل
انتفضت كمن لدغته افعي
واردفت بصدمه : انتي بتقولي ايه يا ماما اتجوز مين
ثريه بهدوء : خليل
لتتذكر ما اخبرها به خليل
….
خليل : مدام ثريه للاسف انا مضطر ابلغك أن الشركه في حاله غير مستقره
ثريه بدهشه: ايه ازاي بس أمتي كل حاجه كانت تمام
خليل بتمثيل الحزن : للاسف الشركه في اخر فترة اتعرضت للمشاكل كتير
ومستر كامل كان فاكر هيقدر يحل الموضوع
بس للاسف المشاكل كانت بتزيد
ثريه بخوف وقلق : طب والحل
خليل بخبث : الموضوع هيتحل بكل سهوله انا اعرف رجال أعمال هيقدمو المساعدة للشركه واقدر ارجع الشركه احسن من الاول
واكمل بخبث : بس في مشكله
ثريه بعدم فهم : اي هي
خليل والطمع يملأ عينه : انا هعمل كدة بصفتي ايه
ثريه : انا مش فاهمه حاجه ادخل في المضمون
خليل : من غير لف و دوران انا عايز اتجوز الانسه ميرا
كادت ثريه أن تطرده من المنزل
ماذا يقول عن اي زواج يتحدث
ولم يمضي علي وفاه زوجها الحبيب اسبوع
واكمل : عارف ان الوقت مش مناسب بس انتي سمعتي النهاردة التهديدات
ثريه بخوف: محدش يقدر يعمل حاجه الأملاك قانوني باسم ميرا
خليل بخبث: يقدرو
ثريه بخوف علي ابنتها : ازاي يعني
خليل : يعني خطف وتهديد وتنازل مش صعب عليهم
ثريه بخوف : طب والحل هو انك تتجوزها
خليل : أيوة انا هحميها محدش يقدر يقرب منها ونرجع الشركه احسن من الاول
نظرت له قليل ثم قالت بهدوء :هرد عليك في أقرب وقت
خليل : بس بسرعه تهددهم بالانتقام ممكن يتنفذ في اي وقت
ثريه : طيب
أفاقت من شرودها علي
ميرا بعصبيه وصوت عالي : مستحيل يحصل ابدا
خليل مين الي اتجوزه
ثريه : دة الي المفروض يحصل
ميرا : انتي اكيد بتهزري انا بكره خليل انتي عرفه اني مش بستريح للشخص ده ابدا
ثريه وامسكت يد ميرا لتجلس بجانبها
وقالت بهدوء : صدقيني خليل هيحمكي وهيحمي تعب وشقا ابوكي
ترقرقت الدموع في عين ميرا فهي تبغضه بشدة وتشعر أنه يخفي الكثير
ثريه : ميرا انا مش هعيشلك طول العمر
ميرا بسرعه ونفي :بعد الشر عليكي يا امي
ثريه بحزن : دي سنه الحياه يا حبيبي
وانا خايفه اموت واسيبك الناس تنهش فيكي
مش هيرحموكي
ميرا بثقه : انا هحمي نفسي
انتي وبابا علمتوني اني بمليون راجل
ثريه : ميرا لو بتحبيني نفذي طلبي واتجوزي خليل
مير : بحبك بس مش هقدر يا امي قالتها وهي تبكي بشدة
ثريه: صدقيني خليل عارف امور الشركه
ميرا برجاء : طب منا هتعلم
ثريه بحزم: عقبال ما تتعلمي تكون الشركه انهارت وقدرو يخدوها
واكملت بحزن: تعب وشقا ابوكي هيضيع.
الشركه في اخر فترة كانت بتتعرض لمشاكل محتاجه حد يوقفها علي رجلها تاني
صمتت ميرا وظلت تفكر ماذا تفعل ليس لديها حل
تلك الشركه بناها والدها من الصفر
تعب ومشقه وسهر
هل سيذهب كل هذا
ميرا ولم يعد لديها اختيار
لتقول بكسرة ويحزن:موافقه
ثريه بحزن علي حال ابنتها : صدقيني دة الصح