Flash back
كان عدي مسافر لاحدي المؤتمرات بأمر عاجل
فاقترحت ميرا بقاء نور معهم
ليوصلها عدي ويرحل
…..
ف منزل جاسر
تحديدا ف غرفه نور
كانت تجلس تضع يدها علي جنينها تتحدث معه بحب
حبيب قلب ماما الي قرب يوصل
انا فرحانه اوي انك ولد
عشان بتمني تكون نسخه من ابوك
شعرت بألم شديد ولم تعلم السبب
نور بقلق : لا لا لا انا لسه في الثامن
تحاملت علي نفسها وتوجهت نحو غرفه ميرا وجاسر
دقت علي الباب
ولم يمر ثواني الا ووجدت
ميرا امامها
ميرا بقلق من منظر نور : مالك يا نور انتي كويسه
نور بالم: مش قدره يا ميرا بموت
ميرا بفزع : بتولدي
وصرخت : جاسر
خرج جاسر سريعا
وهو يردف : ف ايه
ميرا بخوف : نور بتولد الحقني
جاسر بسرعه : طيب يلا بسرعه
لم تقدر نور علي التحرك من شده الالم
لتنظر ميرا لجاسر
ليحملها جاسر سريعا وتوجهو للمستشفي
….
وصلو سريعا للمستشفي
لتدلف نور لغرفه الولاده
وظل ميرا وجاسر بالخارج
ميرا بخوف وهي تتمسك بجنينها: جاسر انا خايفه اوي
جاسر بخوف وهو يضمها: اهدي يا حبيبتي هتبقي كويسه
مرت الساعات
وعلم عدي
لياخد الطائره ويعود سريعا مره اخري
…..
كانت تدعو لها وهي تبكي
فقد اخبرهم الطبيب أن الولاده متعسره
وقد يضطرو الي انقاذ الام فقط
ويتم التضحيه بالجنين
بكت ميرا بقوه
أما جاسر فقد كاد ان يحطم المستشفي
وهو يخبره أنه إن حدث لهم شيء
فسيكون ف عداد الاموات
وطلب منه الحفاظ علي كلاهما
مهما كلف الأمر
وليس هناك فرصه لخساره احد
ميرا ببكاء : نور يا جاسر انا خايفه عليها اوي
جاسر بقلق حاول اخفائه : هتكون كويسه يا روحي متخفيش
وكاد أن يسأل احدي الممرضات عن الوضع
ليقطعه
تلك الصرخه التي رجت المشفي
يتبعها خروج الممرضه
وهي تقول : الف الف مبروك ولد
أعطاها جاسر حفنه كبيرة من المال
لاجل ذالك الخبر السعيد
ميرا بدموع : هي كويسه
الممرضه : الحمد لله شويه وتتنقل اوضه ثانيه
…..
استقرت نور بالغرفه
وبجانيها ميرا
ويقف جاسر يحمل الصغير بحب
نور بتعب :عدي
كاد جاسر أن يخبرها أنه شارف علي الوصول
لتصل الاجابه بدخوله
واندفاعه نحو تلك الراقده
عدي بخوف : انتي كويسه
نور بتعب : كويسه شوفت ابننا
عدي بلهفه وهو يراه بيد جاسر
توجه إليه سريعا وحمله وقلبه ينبض بقوه
ميرا بتسأل : هتسموه ايه
عدي ونور ف نفس النفس :جاسر
جاسر عدي
ابتسمت ميرا بقوه
ونظرت لجاسر بحب
أما جاسر فنظر لعدي نظره
بالف كلمه
والف شكر
والف موقف
……