– أغلق أدهم الهاتف وأنطلق نحو المركز بسرعه قسوي وهو يردد في نفسه
أدهم في نفسه : مستحيل .. مش هسيبلك فرصه تختفي من حياتي .. مش هسمحلك تضيعي مني .. انتي كل حاجه ليا وانا هحارب عشان تبقي سليمه انا من غيرك مقدرش اعيش .. انا من غيرك ولا حاجه ياجيدا ولا حاجه
( في المركز )
الطبيب : دي كل الغحوصات والاشاعات اللي سابتها هنا
أدهم : شكرا .. عن اذنك
الطبيب : ياأستاذ .. انا اعرف دكاترة كويسين جدا جدا ممكن تروح لحد فيهم
أدهم بتفكير : طب اكتبلي عنواينهم واسمائهم ف ورقه لو سمحت
الطبيب : حاضر ثواني
– بعد ان كتب الطبيب الاسماء والعناوين بورقه صغيرة طواها واعطاها له فالتقطها منه بسرعه وشكره وانطلق للخارج .. وتوجه لاحدي العناوين المدونه بالورقه ليصل الي عيادات الطبيب الاستشاري بقسم المخ والاعصاب
د. أسماعيل الباز
أدهم : انا عايز ادخل للدكتور بسرعه عشان استشارة مهمه جداا وممكن ادفع مستعجل
الممرضه : طب ثواني و……
أدهم : هدفعلك اللي انتوا عاوزينوا بس لازم ادخل فورا
الممرضه : طب ثواني بعد أذنك عشان في مريض جوه مجرد ما يخرج هدخلك كشف مستعجل
أدهم : تمام
– في داخل عيادة الطبيب امسك د . اسماعيل بالفحوصات والاشعه وهو جالسا ع كرسيه الوثير وأخذ يطلع ع كل التفاصيل .. ثم ترك الاوراق من يده وخلع نظارته الطبيه قائلا
أسماعيل : الحاله دي مجاتش بنفسها ليه
ادهم : هي رافضه العلاج من الاساس .. بس قولت لازم اخد استشارة دكتور قبل ما اقرر السفر للخارج
أسماعيل : السفر في الاحوال دي مفيد جدا للحالات بس في هنا برده تقتنيات مش شويه الا لو انت مصمم ع فكرة السفر
أدهم : معلش هاكون مستريح اكتر لما اسفرها بره .. بس عايز اعرف حالتها واصله لفين او لاي مرحله خطورتها وياتري هايزة تدخل جراحي ولا علاج ولا ….
أسماعيل مشيرا بيده : اهدي وانا هفهمك … اولا اورام الداغ بتبقي اما اورام أوليه أو اورام ثانويه وهنا الورم أولي حميدي وواضح ان الخطر هنا هو عوامل جينية ووراثيه .. العلاج بيكون اما تدخل جراحي واستئصال الورم والخلايا السرطانيه اللي حواليه كلها .. اما علاج كيميائي وده ممكن يكون استخدامه اقل لاثارة الجانبية المتعدده .. او هيكون علاج اشعاعي وده السائد او الشائع ، وفي حالة لن عندها نوبات بنستخدم الديكساميثازون و فوروسيميد ،
وفي العلاج الاشعاعي بيتعرض المريض لاشعة بيتا، الأشعة السينية أو أشعة جاما،أما بقي العلاج الكيميائي هو خيار لعلاج السرطان، ولكن نادرا ما بنستخدمه لعلاج أورام الدماغ بسبب حاجز الدم في الدماغ الذي يقوم بمنع الأدوية من الوصول إلى الخلايا السرطانية ، انا نفسي لو انا الدكتور المعالج للحاله هستخدم التدخل الجراحي اي طبيب تاني مش عارف ممكن يستخدم اي نوع من انواع العلاج
أدهم بتفكير : ….. انا متشكر جدا لحضرتك .. اااا ممكن اعرف لو حبيت اسافر بيها اروح فين ؟
أسماعيل : ممكن تروح لمستشفى جونز هوبكنز ، المستشفى التعليمي ، ومركز الأبحاث الطبية الحيوية الملحق بمدرسة طب جامعة جونز هوبكنز ومقره في مدينة بالتيمور بولاية ماريلاند الأمريكية
أدهم مصافحا أياه بحرارة : انا شاكر جدا ليك .. عن أذنك