– أجتمعت الاسرتان في ليلة سمريه جميله ، وبعد أن تناولا وجبه الغذاء جلسا يرتشفان المشروبات الثلجيه اللذيذه وسط المزاح والمرح .
أدهم بتهكم : يابني بطل خفة دم ع المسا
ياسين عاقدا حاجبيه : الله ، أشمعنا يعني أنت تدلعها وأنا لأ ، ماهي جيدا اتربت معايا زيك بالضبط
فاتن بضحك : بطل مناكشه ف أخوك ياسينو
ياسين لاويا شفتيه : لا طالما جه الامر من القيادة العليا مقدرش أفتح بوءي خلاص
أدهم بمرح : هو أنا مش هتجوز وافرح والبس بدله ولا أيه ياناس
عزيز : ومستعجل ليه يابني ؟
أدهم محدقا : مستعجل !! ده انا خلاص عنست ، والله حرام اللي بيحصل ما تلمونا بقي بدل السرمحه اللي أحنا فيها
جيدان : أيه سرمحه دي ، ده علي أساس أني ماشيه معاك مثلا
أدهم : ياحبيبتي ماشيه معايا أيه بس ، أحنا عدينا المرحله دي من زمان
مصطفي : ما نحدد معاد الفرح وكتب الكتاب دلوقتي ياعزيز ونخلص منهم
أدهم بلهفه : أه والنبي أخلصوا مننا بقي ، أنا مش عارف أنتوا ماسكين فينا ليه
عزيز : خلاص أمسك نفسك ياواد ، أنت هتتجوز علي نفسك ولا أيه
أدهم واضعا يده علي قلبه : ااااه ياعمي ، انا او متجوزتش الخميس الجاي هيجرالي حاجه وهمشي علي حل شعري وانتوا المسؤؤلين
جيدان ضاربه علي يده : أدهم لم نفسك ، ده انا أقتلك قبل ما تبص بره
فاتن بمرح : في حد يبقي معاه جيدان ويبص بره برده
أدهم لاويا فمه : لا مش أوي كده أحسن تتنك عليا ياما ما
فاتن : تتنك براحتها ، حقها
أدهم حاككا رأسه : هو أنا هفضل أتحرج كده كتير .
الجميع : ههههههههه هههههههههه هههههههه
———————-
– بعد مرور شهر ونصف …..