لـ يبدأ الجميع بالانسحاب بأمر من سيدهم و بقي أمامها يتنفس بغضب و هذا واضح من صوت زمجرته العالية بـشراسة و صدره الذي يعلو و يهبط بـجنون امسك بـذراعها بقوة و هي تمسح وجهها براحتي يدها من الماء الذي اغرقها لـ يقرب وجهه من وجهها و هو يتحدث بغضب :
_ عايز تحدفي نفسك من فوق عايزة تموتي بس متفضليش معايا
امسك بـ القميص الذي التصق عليها بـفعل المياة و هو يصرخ بجنون :
_ و لسة لابسة الزفت اللي قولتلك اقلعيه و عمال تفركي عشان تبعدي و جسمك يبان
نظرت إليه بغضب و هي تقطع حديثه و لا تريد حتي سماع صوته لـ تسحب يدها من يده رغماً عنه و تضع يدها علي اذنها و هي تصرخ به باكية :
_ أيوة عايزة اموت انا حتي مش طايقة صوتك مش طايقاك سيبني في حالي بقي ابعد عني انا هروح و اعرف الحقيقة من نبيل و اشوف لية عمل كدا لية بعني ليك لية دمرني زي ما انت دمرتني
امسك بيدها ينزلها عن اذنها و هو يصك علي أسنانه بغضب قائلاً بانفعال :
_ نبيل اللي هتموتي عليه دا وصفك ليا و انت في حضنه فاهمة يعني أية يعني لو كان راجل مينطقش بحاجة زي دي انتي عارفة قالي أية انتي عارفة انا حسيت بـأية و لو عايزة إثبات اوريكي كل كلامه بيتسجل من غير ما هو يعرف
ازداد بكاءها بحدة و شهقاتها تتعالي لـ تمزق داخلها و لا تعلم انها تمزق داخله هو الآخر كان تريد بصيص أمل بـ أن يخبرها نبيل أنه فعل هذا تحت التهديد و لكن قد شتت ذهنها و جعلها غير قادرة علي التفكير فقط قادرة علي البكاء لإخراج ما بداخلها لـ تهمس هي بصعوبة من بين دموعها :
_ انا عايزة ارجع لاهلي و امشي من هنا رجعني لاهلي و سيبني في حالي انت و هو