عقدت ذراعيها أمام صدرها و هي تقول بدلال :
_ صباح الخير يا سرحان في حاجة غيري
جذبها ليحتضنها بالكامل بين ذراعيه و هو يقول :
_ انا مقدرش اسرح في حد غيرك اصلا
نظرت إليه بحب و هي تمد يدها تضع كفها علي وجهه تنشد عليه برقة و هي تقول :
_ مقولتليش هتعمل أية
بالفعل لا يعلم ما عليه فعله يخطط منذ ساعة كاملة و لم يستقر علي شئ معين و لكن الأمر لا يحمل التفكير طويلاً سوف يجعل اي من كان قد فعل ذلك يندم و بشدة و سوف يريه من هو ارسلان المهدي تنفس بقوة من شدة الغضب بداخل صدره الذي يعلو و يهبط لتضع يدها علي صدره و هي تقول بهدوء :
_ طب خلاص اهدي يا ارسلان اهم حاجة عندي انت يا حبيبي
اغمض عينه بقوة و هو يسترد أنفاسه الهادئة ليضع يده علي يدها و هو يقول :
_ المهم متشغليش دماغك الحلوة دي و سيبي الموضوع دا عليا و يلا ننزل تحت عشان هنروح بيتنا
تحركت بؤبؤت عينها بارتجاف و هي تقول بتوسل :
_ ارسلان عشان خاطري بلاش نروح القصر دا تاني انا اخاف ادخله تاني
وقف هو و هو يمسك بيدها يجذبها معه و هو يقول :
_ متخافيش ليا بيوت تانية و مش هندخل القصر الكبير تاني
استجابت لجذبه لها و وقفت أمامه تقبل وجنته و هي تقول بارتياح :
_ طب كويس الحمد لله انزل انت و انا جاية وراك