تلعثمت و قضمت شفتيها السفلية و هي تنظر إلي الاسفل ليصك علي أسنانه و هو يكبح نفسه حتي لا يصرخ به مكمل عنها الجملة التي يعرفها جيداً و لكنه تركها لتكمل قائلة بتلعثم :
_ كنت بعمل كدا عشان تطلقني انا كنت متأكدة انك مش هترضي اني انزل كدا كنت واثقة أن عمرك ما هتخرجني من الأوضة بالشكل دا
نفض ذراعه من يدها و هو يصرخ بها بحدة :
_ و انتي متوقعتيش إن ممكن يحصل حاجة بينا انتي مش عايزاها و ساعتها الندم هياكلنا احنا الاتنين انتي عشان اتهورتي بالشكل دا و انا هندم عشان انتي مش عايزة دا يحصل و ندمك هيخلي ندمي مضاعف
مسحت دموعها السائلة عن عينها حتي تراه جيداً فقد تشوشت الرؤية بدموعها لتنظر الي عينه برجاء و هي تقول بهمس من جديد و هي تعلم أنه محق تماماً و لكنها لم تكن تدري أنه لديه قلب يخشي عليها قبله :
_ انا اسفة يا ارسلان اوعدك مش هتتكرر تاني
تنهد بضيق شديد و هو يشعر بالاختناق ليمد يده إلي رابطة عنقه يفكها قليلاً و بعدها يخلع سترته و هو يقول بثقل :
_ انا موافق علي الطلاق يا ليلة
صمتت و هي تثبت عينها عليه بقلب يدق بجنون لا تعلم حقاً ايدق الآن خوفاً ام فرحاً .. ابتلعت ريقها بارتباك و هي تقول بتساؤل :
_ بجد !!
هز رأسه و هو يرفع بصره عنها بكبرياء رجل جرحت كرامته مئات المرات و لن يتنازل بعد الآن ليقول بهدوء :
_ أيوة انا مواقف بس بشرط واحد