نظر إليه ارسلان نظرة علمها هو جيداً أنه العناد و التحدي المعتاد لديه ليمسك بيد نوح الممسك بتلابيب ملابسه يزيحها عنه يلقيها بعيداً عنه و هو ينظر إليه بهدوء قائلاً :
_ خلي صداقتنا مستمر يا نوح و ملكش دعوة بعلاقتي بـ ليلة و لا باللي بعمله
رفع نوح سبابته أمام وجه ارسلان ليهدر مهدداً :
_ سيب البنت يا ارسلان في حالها ياما هجيب المصحة ياخدوك
جلس ارسلان اعلي الأريكة يضع قدم علي الأخري و يشير إلي الباب قائلاً :
_ اتفضل جيب المصحة ياخدوني يا نوح
اغمض نوح عينه بقوة و هو يسحب الهواء الي رئتيه للتنفس لكي يستشعر الهدوء بداخله ليجلس جواره يضع يده علي كتفه و هو يقول بهدوء :
_ ارسلان انت اخويا مش صاحبي و انت عارف كدا كويس و انا عارف فضلك عليا و انك السبب اني ابقي دكتور و أشهر دكتور نفسي في امريكا بس دا ميمنعش اني حقي اقول اللي في مصلحتك
ليتحدث ارسلان دون النظر إليه :
_ خليك في مصلحة المرضي بتوعك يا دكتور انا مش منهم و ليلة هتفضل معايا و محدش هيقدر يمنعني
نظر إليه نوح بقلة حيلة ليقف و ينظر إليه بحسرة لما يفعل بنفسه قائلاً :
_ عارف يا امبراطور الغرب بس فكر تاني يا ارسلان مش ممكن تحبك طول ما انت حابسها بين أربع حيطان بالإكراه