أكل الفضول رأسها و هي تنظر إلي والدها بتركز قائلة بلهفة :
_ خير يا بابا في أية
تنهد ماهر مطولاً و هو يقول بجدية و حسم :
_ انتي مرتاحة مع ارسلان هتفضلي معاه يعني عايزة تكملي معاه و لا ترجعي معايا مصر لو جبرك علي حاجة انا هقفلك يا حبيبتي متخافيش
تنهدت براحة و قد كانت تعتقد أن هناك شئ خطير بهذا الأمر لتبتسم بحب و هي تتحدث قائلة :
_ متخافش يا بابا انا قاعدة مع ارسلان بارادتي هو نفسه طلب مني لو عايزة ارجع تاني مصر هو موافق و هيطلقني و انا اللي مرضتش انا عايزة اعيش مع ارسلان يا بابا مش عايزه اسيبه ابدا
زفر هو بتمهل مطمئن و هو يقف يتقدم منها ليقبل قمة رأسها و هو يقول بهدوء :
_ ربنا يهنيكي يا حبيبتي بس اعرفي اني جنبك في أي وقت تحتاجيني فيه
لتقف هي الأخري أمام والدها و هي تقول :
_ طب خليك بقي معانا شوية
حاوط ماهر كتفها و هو يخرج بها من باب الغرفة هو يقول :
_ لا مش هينفع يا حبيبتي قولتلك الشغل هناك كتير
لتمسك ليلة بيد والدها تجذبه الي مائدة الطعام و هي تقول :
_ طب اقعد كل بقي عشان انت مكلتش من الصبح
ليجلس ماهر علي مائدة الطعام و يبتسم إليها قائلاً بهدوء :
_ مش هتقعدي تأكلي
تنحنحت باحراج و هي تقول بهدوء :
_ لا هطلع اشوف ارسلان عشان يجي يأكل و هاجي