لـ ترفع رأسها إليه و وجهها غارق بالدمع لـ تتحدث ببكاء حاد :
_ قولتلك بلاش تفرق بين العيال يا ماهر ابنك من كتر كرهه لأخته صدق اي حاجة اتقالت عليها و راح يقتل أخته و انت السبب مهتمتش بيهم و لما جيت تهتم اهتمت بـ ليلة بس و سفرت البنت و الولد مرضتش
نظر إليه ماهر و هو يراجع ما فعله و يري نتيجته الآن لـ ينظر بـالأرض نادم علي ما فعله بيده لـ يقف هو و هو يمرر يده علي وجهه يفكر بما سـيفعله لـ تقف نجلاء تمسك بيده و تنظر إليه بأعين دامعة حمراء بشدة و هي تهمس برجاء :
_ بنتي يا ماهر ابوس ايدك بنتي انا كدا هخسر الاتنين كفاية أن اختهم بعيد عني يا ماهر ابوس ايدك اعمل حاجة
نظر ماهر الي الاعلي و هو يتأفف باختناق يشعر بأن الأرض تدور من أسفله بقلة حيلة لـ تضغط هي علي يده أكثر و هي تقول بتوسل :
_ عشان خاطري يا ماهر الحق اللي فاضل شوف بنتك حصلها أية في الغربة جوزها بيقول انها تعرف واحد هناك
لـ ينظر إليها ماهر بصدمة و أعين متسعة لـ تتنفس بقوة و هي تقول :
_ هي لو تعرف حد هناك هتجوز نبيل لية يا ماهر هتحبه ازاي
وضع يده علي رأسها يمسد عليها بحنان و هو يقول بجدية :
_ هسافر يا نجلاء حضري الشنطة و انا هلغي كل مواعيدي و هوزع القضايا علي المحامين في المكتب