جلس ارسلان علي المقعد الذي أشار عليه نوح و هو يتنهد بضيق يمسح بيده علي وجهه قائلاً :
_ عايز اتعالج عايز ابعد عن ليلة من غير وجع انت عندك حق ازاي واحدة هتحب واحد خطفها و اتجوزها غصب .. انا اتصرفت بجنون لاول مرة ..
قاطعه صوت ضحكات نوح العالي لينظر إليه ارسلان بحاجب مرفوع بتساؤل ليرفع نوح يده باعتذار و هو يقول بسخرية :
_ هي مش اول مرة تتصرف بجنون و لا حاجة كل قرارات فيها تخلف عقلي بس انا مش عايز اصدمك
برقت عين ارسلان بغضب ليسرع نوح بالقول :
_ انا مقولتلكش اتعالج عشان تنساها أو متحبهاش انت بردو هتفضل بتحبها بس جبروتك و تملكك هيهدي مش هتخليها خايفة منك
تنهد ارسلان و هو يهز رأسه بايجاب قائلاً :
_ ماشي
ليغير نوح مجري الحديث و هو يقول بهدوء :
_ عملت أية في الدكتور اللي ورا الصحفي
ابتسم ارسلان بشر حتي ظهرت انيابه و هو يقول بقوة :
_ دا انا هعيشه احلي عيشة عند ناس حبايبي كدا هيحلف طول عمره أنه ملوش دعوة بنملة ماشية علي الارض
**********************************
جلست ليلة بجوار ماري التي تسرد لها كل شئ يخص ارسلان و هي تستمع باهتمام مستغربة من نفسها كيف تهتم لأمره الآن هزت رأسها بتفهم لماري و هي تميل لتلتقط كوب القهوة الخاص بها علي الطاولة لترتشف منه وضعته علي الطاولة و هي تنظر أمامها لتجد نوح يدلف من باب القصر قبض قلبها لا تعلم لما و لكن مجيئ نوح دون وجود ارسلان لم يريحها .. نظرت إلي ماري التي تأففت بصوت عالي و هي تشيح بوجهها عنه في حين نظر هو لها بغضب شديد حين نظر فوجدها ترتدي بنطال قصير يظهر ساقها كنزة قصيرة تظهر بطنها دون اكمام تقدم منهم بغضب ليقف أمامها و هو يشير إليها قائلاً بحدة :
_ أية اللي انتي مهببة دا قاعدة كدا لية قدام الحرس و الخدم