كانت تحبس أنفاسها و هي تراه هيئته المرهقة المتعبة ذقنه التي نمت قليلاّ حتي تحدث مرة أخرى بصراخ :
_ قولت ادخلي
انتفضت بخضة من صوته العالي و لكنها نظرت إليه بعناد و هي تقول :
_ لا مش هدخل و دا ضيفي و دخله من فضلك لو مش عايز تستقبله في بيتك انا ممكن استقبله في أي كافية
امسك بذراعها يضغط عليه بقوة و هو يقول بفحيح مقرباً رأسه منها :
_ انتي تخرسي خالص الأستاذ اللي عايزة تستقبليه دا مين يا مدام
حاولت أبعاد يده عنها و لكن ما زادت الا ضغطه علي ذراعها و هي تقول و هي تنظر داخل عينه بتحدي :
_ الاستاذ دا هيبقي جوزي
ليصك علي أسنانه حتي كادت أن تتحطم و هو يصرخ بها يهدر بجنون :
_ انتي بتقولي أية انتي اتجننتي
لتنظر إليه و هي ترفع حاجبها لاعلي قائلة بكبرياء :
_ مش قولت هنطلق انا بقي بختار شريك حياتي الجديد