رواية لعبة القلوب المحرمة عبر روايات الخلاصة بقلم أماني السيد
أنا زهقان ماتيجى نشوف حاجه نعملها .
ـ تعالى نلعب شطرنج
ـ اللعب على ايه انهارده ؟
ـ قصدك ايه فلوس يعنى على فلوس ؟
ـ لا انا ولا انت محتاجين فلوس عشان نلعب عليها
ـ آمال ايه فى ايه يتلعب عليه
ـ موظفه الاستقبال الجديدة
ـ هنلعب على بنت أنت اتهبلت
ـ ده اللى هيسخ*ن اللعبه ويزود الاثا*ره
سكت وبص لصاحبه
ـ بس البنت ذنبها إيه وبعدين افرض متجوزه ولا مخطوبه
ـ لأ هى لاهى متجوزه ولا مخطوبه
ـ وأنت عرفت منين
ـ بصراحه البت صاروخ ودخلت دماغى دخلت على الملف بتاعها وجبت بيانتها
ـ طيب لما هى عاجباك كده مارتبطش بيها ليه
ـ أنت ناسى أنى خاطب ولو خطبتى عرفت هتموتنى
ـ طالما كده خلاص سيب البت فى حالها
ـ بقولك ايه خطيبتى وخطيبتك مسافرين ومش هيرجعوا غير بعد شهرين هنفضل فيهم سناحل كده .
اسمع منى احنا نلعب الماتش عليها وبعدين مانت ممكن تخسر ووقتها يبقى خلاص
ـ أنت شي*طان
ـ ها نبدأ اللعب .. واعمل حسابك الرهان انك تخليها كمان تحبك مش بس ترتبط بيك
سكت شعيب يفكر فى كلام صاحبه هشام
مالك يا شعيب قلبك بقى ضعيف ولا ايه من أمته بتعمل حساب لحاجة ولا لحد طول عمرك بتعمل اللى انت عايزه واللى فى مزاجك ومصلحتك
وبعدين لما الرهان يخلص راضيها بقرشين
ـ يلا نبدأ
بدأ شعيب وهشان الرهان وفى الناحيه التانيه كانت
صفا قاعده مع اختها مروه فى بيت مروه
ـ ازيك يا مروه عامله ايه
ـ الحمد لله يا صفا
ـ شكلك مش عاحبنى يا مروه ليه ما بقيتيش تهتمي بنفسك زي الاول فين مروه اللي كانت ضحكتها كل الناس بتسمعها مالك يا مروه فيكى ايه
بكت مروه ومقدرتش تمسك نفسها
ـ أنا مش عايشه يا صفا انا ميته بالحيا عارفه انا حاسه أنى خلاص اتحولت ل اله تنفذ المطلوب منها احساسى ومشاعرى كل حاجه مابقتش من حقى
ـ طيب براحه واحكيلى حصل ايه لكل ده
ـ بصى وراكى شايفه الصوره اللى على الحطيه دى
ـ دى صوره وفاء الله يرحمها بس ليه جوزك ماشلهاش
ـ الصوره دى فى كل حته خلفيه موبايله والصاله وكل حته
صوره بروفايله هو ومراته القديمه وأنا أنا يا صفا مقربش منى غير يوم الدخله عشان يتأكد انى بنت ومن وقتها مجاش جمبى تانى
ـ انتى متجوزه من اربع شهور معقول مقربش منك فيهم
ـ تخيلى يا صفا
كل ده كوم وأهله كوم تانى والكلام اللى يسم البدن انا بقيت خدامه ليه ولأهله يا صفا
كلهم شايفين معاملته ليه عامله ازاى ومش بيعملولى أى اعتبار
ـ طيب ليه ساكته كل ده
ـ عايزانى أعمل ايه للأسف كنت بحبه وقولت هتقى ربنا فيه واعامل اولاده كويس لكن للأسف انا اتحولت لخدامه فى بيت عيله
ضمتها صفا وطبطبت عليها ودموعها نزلت على اختها اللى بقت شبه الزهره الدبلانه غير جسمها اللى نزل جامد فى الوزن
ـ مروه ابعدى عنه واطلقى
ـ خايفه ماما يجرالها حاجه اطلق وأنا لسه عروسه
ـ آمال هتستحملى كده
ـ مش عارفه يا صفا مش عارفه
اثناء كلامهم فتحت حماتها الباب ودخلت عليهم واتكلمت بعنجهيه
يتبع…
فصول رواية لعبة القلوب المحرمة بقلم أماني السيد
اضغط على الفصل الذي تريد قراءته:
- رواية لعبة القلوب المحرمه الفصل الأول
- رواية لعبة القلوب المحرمه الفصل الثاني
- رواية لعبة القلوب المحرمه الفصل الثالث
- رواية لعبة القلوب المحرمه الفصل الرابع
- رواية لعبة القلوب المحرمه الفصل الخامس
- رواية لعبةالقلوب المحرمه الفصل السادس
- رواية لعبة القلوب المحرمه الفصل السابع
- رواية لعبة القلوب المحرمه الفصل الثامن
- رواية لعبة القلوب المحرمه الفصل التاسع
- رواية لعبة القلوب المحرمه الفصل العاشر
- رواية لعبة القلوب المحرمه الفصل الحادي عشر
- رواية لعبة القلوب المحرمه الفصل الثاني عشر
- رواية لعبة القلوب المحرمه الفصل الثالث عشر
- رواية لعبة القلوب المحرمه الفصل الرابع عشر
- رواية لعبة القلوب المحرمه الفصل الخامس عشر
- رواية لعبة القلوب المحرمة الفصل السادس عشر
- رواية لعبة القلوب المحرمة الفصل السابع عشر
- رواية لعبة القلوب المحرمة الفصل الثامن عشر
- رواية لعبة القلوب المحرمه الفصل التاسع والعشرون
- رواية لعبة القلوب المحرمه الفصل العشرون
- رواية لعبة القلوب المحرمه الفصل الواحد والعشرون
جاري كتابة باقي فصول الرواية.. عاود زيارتنا..