رواية لعبة القلوب المحرمة الفصل الرابع والعشرون 24 بقلم اماني سيد
اتكسفت صفا من كلام ماهر بس دارت كسوفها
ـ لأ ماتقلقش حضرتك حمل عليه وأنا ادها
ـ حاضر يا ست. بس ماترجعيش تشتكى… صحيح هشام بدأ شغل انهارده صح
ـ غالباً انا شوفته جه بس مجاش هنا هو دخل وقت ما أنا دخلت
ـ لو ضايقك او قربلك تعالى قوليلى فورا انتى فاهمه
اماءت صفا براسها وخرجت من الاوضه فضلت تلعب بالموبايل
فى الجهه التانيه اتصل شعيب برئيس الحسابات عشان يطمن على اخبار الشغل
وقرر إنه يزورهم بنفسه ويراجع معاهم الشغل
بعد يومين فى قسم الحسابات كان قاعد مدير الحسابات بيراجع كل الملفات عشان لما يوصل شعيب تبقى المراجعه سهله وقبل ما ينتهى جاتله مكالمه من البلد عمه ما.ت ولازم يسافر فوراً
ادى الملفات كلها لمروه ووصاها أنها تراجعه كويس عشان شعيب بيه هيجى ويراجع كل ده بنفسه
اتوترت مروه لكن وافقت مرغمه عشان ظروف مديرها
فى اليوم التالى وصل شعيب الشركه ومر الاول على ماهر وصفا عشان يتاكد من سير العمل وبعدها يمر على الحسابات عشان يفضل فيها براحته من غير ما يشيل هم وقت انه هيمر على اقسام تانيه
كان داخل شعيب المكتب وهو عارف إن مروه قاعده فى الاوضه وهى اللى هتراجع معاه