رواية لعبة الحب الفصل الرابع 4 بقلم سلسبيل احمد – للقراءة المباشرة والتحميل pdf
– لا من هنا و رايح هنحتفل سوا بأي مناسبة.. احنا عيلة واحده..!
– ما تتكلم يا مروان؟؟ ولا انت مزعلها
” مروان مسك ايد سلمي وابتسم ”
– طيب.. ما تباتو هنا انهارده؟
مروان: عندنا شغل بكره ومحتاجين نروح
= طيب.. بس تخلصوا بدري بقا عشان العيد ميلاد وانت تخلي بالك عليها كده و اوعي تضايقها
ابتسم: عيوني ياحبيبة قلبي.
” حضنتهم هما الاتنين وبعدين خرجوا ونفس الصمت كان سائد بينهم طول الطريق لحد ما وصلوا البيت و سلمي دخلت تغير ومكانتش طايقه نفسها ”
*طق طق طق *
– فيه ايه !!! عايز ايه؟
= افتحي الباب !
” قامت تفتح وسابته ودخلت قعدت ”
– لسه معندكيش حاجه تقوليها؟ مش حاسة بالذنب حتي ؟؟ وكلهم فرحانين بينا و بيحبوكي و حضرتك كنتي بتلعبي ؟
” مسحت على وشها ”
– مروان.. ما تجيب من الآخر قولي عاوز ايه
” مروان اتنفس بحزن مكتوم وقعد وبصلها ”
= انا عايز افهم.. ليه عملتي كده؟
= انا مقصدش ليه ضحكتي عليه..
ليه عايزه تخدي ورث امك.. وليه عايزه تمسكي الشركه انت اوردي لو طلبتي اي حاجه عمي مش هيرفض.. والشركه انتي في مكان كويس.. فا ليه بتعملي كل ده ؟