رواية لعبة الحب الفصل الخامس 5 بقلم سلسبيل احمد – للقراءة المباشرة والتحميل pdf
– انتي كويسة ياحببتي
ابتسمت: اه يا تيته.. انا بس كنت مضايقه وتعبانه ملقتش حد اروح له غيرك..
– ياحببتي ده بيتك وتقعدي وتيجي زي ما تحبي
قوليلي الواد مروان مزعلك ؟ او حد مزعلك
= لا.. انا الى مزعله مروان شوية.. وعايزه اعرف منك ازاي اصالحه.. وازاي نتكلم انا وهو ملحقناش نعرف بعض اوي وهو قريب منك اوي وبيحبك فا أكيد يعني تعرفيه كويس جدا!
ضحكت بأبتسامه: اه.. شوفوا الحب.. فكرتيني بجده.. لما كان يزعلني وميعرفش يصالحني يقوم مكلم ابويا يخليه يدخل بينا وانا كنت اضايق اوي لما يجبرني اقعد معاه ويصالحني عليه..
ابتسمت لها: كان بيحبك أوي..!
بصت لها: وانتي كمان شكلك بتحبي مروان اوي..
رفعت عيونها الى كانت بتلمع بالدموع: هو الحب حلو؟ ولا مؤذي
– لا يا حبيبتي الحب عمره ما يآذي ده اجمل حاجه في الدنيا.. انك تلاقي شخص تحبيه ويحبك.. تفهموا بعض و تخافوا على بعض.. يفضل حنين عليكي مهما حصل!
سلمي بتفكير: معاكي حق.. ومروان حنين اوي عليا
اتنهدت: عشان بيحبك اوي.. مروان يعتبر مربياه وعمري ما شوفته سعيد زي الفترة الى كنتوا مخطوبين فيها.. كان مبسوط اوي.. و مش قادر يصبر عشان تتجوزوا..
= انتي عندك شك في ده؟