رواية لعبة الحب الفصل الثالث 3 بقلم سلسبيل احمد – للقراءة المباشرة والتحميل pdf
” قبل ما يتكلم لقي الباب اتفتح و مروان دخل وده بسبب انوه سمع صوت التكـ ـسير”
كريم: انا كنت جايبلك الملفات الى كنتي طلباها..
” حطها على مكتبها وخرج تحت نظرات مروان ناحيتة و سلمي بصتله لكنه بدء يتفحص الأرض الى عليها طـ.ـفاية مدغدغه..!”
سلمي بهدوء: محصلش وقعت غصب عني
= زي الاباجورة برضو؟
” ابتسمت ابتسامه تداري بيها عْضبها الى ممكن يوصل للسما.. ”
– اه بظبط.. زي الاباجورة.. انا هنزل اخد قهوه عشان مصدعه شوية .. ولو اتأخرت هسبقك عند تيته
= والاجتماع الى مفروض تحضريه؟
” خدت شنطتها من المكتب واتكلمت بسخريه وهي ماشية ”
– على اساس انك هتقول حاجه مهمه معرفهاش..
>>>>>>>>>>>>>>>>>>>>>>>>>>>>>>>>>>
” نزلت اقعد في الكافية وطلبت قهوه.. موبايلي كان بيرن برقم خالد مردتش لكني لاقيتة مسدج مكتوب فيها تم.. ابتسمت وانا بشرب القهوه وبعدين اخدت حاجتي و قومت عشان اروح عند جدة مروان..”
|| في بيت داخل منطقه هاديه بالمعادي ||
– منورة البيت كله ياحببتي.. هعملك سحلب زي المرة الى فاتت بالعند في الواد مروان الى اتأخر ده