ضحك نمر وهو يناظر فارس اللي ماعاد يستغربهم: مالك حق تسأل!؟
راكان: اي والله معقوله ماتشوف ابوه على قولة حميّد قلب النمر !؟
حمدان: والله يانمر انك اصيل ولدك نسسسخه منك
نمر ضحك: ناصرني الله
ابو حمدان بهدوء: ما قلت لنا القصه يانمر !؟
نمر ناظرهم ببتسامه وهو اللي صار دايماً مبتسم عكس زمان اللي كانت ابتسامته مثل المعجزه ومهما كان وده مايفصح باللي صار بس حب يطلعهم شوي من حزنهم وبدا يسولف لهم اللي صار
_______________________.
وفي غرفة الهنوف
كانت تحاول تسولف كعادتها وتطلعهم من جوهم
وابتسمت رهف: زين انك رجعتي والله ياهي رجعت روحنا
اثير: وقبلنا كلنا رجعت الحياه لوجهه نمر والله لو تعرفين كيف كان يضيق صدرك
ابتسمت الهنووف لطاري نمر: والله ما كنت احسن حال وحمدلله غيمة سودا وعدت
ارياف: الله يسعدك يالهنوف على كثر ما احبك
ابتسمت لها الهنوف : وياتس يا بعد حيي
اثير: قولي لنا القصه !؟ خلينا نتسلى
رهف:انا اعرف شوي من التفاصيل من حمد
اعتدلت الهنوف وهي محرجه من هالقصه اللي فيها ظلم كبير من ابو هذال لها بس كانت ملييييانه مواقف بطوليه من نمر
_______________________.
وفي حايل
اخذ ابو مقرن حقه كامل وهو طاير من الفرح بس الحين كان هو الخطر بعينه بعد ما انجنوا عيال عمه من الاموال اللي انسحبت منهم كانوا لازم ينتقمون