ابعدهم عنه وطلع وهو هالمره زعلاااان على نمر بقوه ومتضايق !؟ ويسأل نفسه ( وش سويت له عشان يسوي لي كذا)
ركضت جود له وهي تبعد يده: بسم لله عليك وش سوا فيك حسبي الله عليه
صد طارق وهو يغسل وركضت تجيب مناديل له وهي تحاول تكمده وتمسح وجهه وهو ساكت بضيق
والكل رجع ورا طارق الا نمر وحمد
ابعد نمر وهو كارهه لنفسه وكارهه لهالموضوع ولحقه حمد : نمر اركد طارق مايعرف والا ..
قاطعه نمر بصراخ: انا اصلاً وش جابني عندكم وش رجعني لشقى انا لو منثبر بحايل كان ارحم
حمد : يارجال ماصار شي وطارق بخير
نمر : ايييي بخير اي بخيير تشوف دمه انت ولا ماتشوفه
حمد : عادي نزف خشمه وبيوقف من اثر الضربه عادي
نمر : رح يا حمد شوفه بس خلني انا وروح لطارق
راح حمد وهو يدري الكلام معه الحين ماله داعي
_______________________.
وفي البيت
كانت الهنوف تشوف الكل متضايق وهي خايفه تسمع طاري ان نمر ضرب طارق بس وش السالفه ماعاد تدري
ركضت لبدريه بخوف: بدريه وش صار
بدريه قالت لها كل السالفه وسكتت الهنوف بضيق وتفكير وهي ماتدري ليه نمر يتصرف هالتصرفات اذا كان نايم وهي خايفه فعلاً من هالعقده وطلعت تدوره شافتهم كلهم ماشافته وراحت تدور عليه
…………….••…………