انتهى المحقق من أسئلته على صوت العسكري
– ياباشا احنا لقينا الورقة دي مقطعة نصين جوه .. وكمان علبة الدهب دي لقناها فاضية ومرمية .
نهض الشرطي بحماس ليقرأ الورقه الممزقة محاول استكمال الصورة ثم أردف قائلًا
– دا عقد تسجيل الشقة باسم إسماعيل محروس .. رمقت الظابط بنظرة حزينة خلف ستائر دموعها
الظابط : داليدا خدى وقعي هنا ..
حاولت أن تمسك القلم كي توقع لكن هو الآخر خذلها وسقط من يدها ، راقبها الظابط بنظرات شفقة ، حاولت كثيرًا كي تستجمع قوتها لحمل القلم ولكنها أصبحت هشة للغاية ، تنهد الظابط بكلل قائلاً
– بصمها يابني خلينا نكمل شغلنا ..
■■■
” في شركة زين “
– ياباشا شغل أد كدة متراكم ومعاليك مبلط في العسل .
أردف أكرم جملته بحماس وهو يقترب من مكتبه ليجلس أمام مكتبه .. دار زين بمقعده المتحرك قائلًا
– ماتصبح يابني .. حد يدخل ع حد كدة !!
– ياحنين !! أنت مش واخد بالك إن الشغل كله فوق كتافي وأنت ولا على بالك
زين بلا اهتمام
– أدها وقدود يابطل ..
– أنت يابني عاوز تشلني !! بقول ورانا شغل متلتل !! تقولي أدها وقدود بدل ما تقولي نهبب إيه ..
شمر كُم قميصه الأبيض بتثاقل
– أها .. سامعك .. قول اللي عندك ..
نظر أكرم في الورق الذي أمامه قائلاً
– اسمع ياسيدي ، فريدة درويش مدير أعمالها اتكلم وطلبت شحنتين زيادة ، في سبيل إنها هتوفرلنا المكونات واحنا علينا التصنيع من الأول … ممم بس اللي مستغرب له واحده زي فريدة دي سايبة ليه أكبر الشركات وحابة الشغل معانا !! أنت عملتلها إيه يابني !!
قهقهة زين بثقة ثم أردف بفخر شديد
– منا بشتغل زيي زيك ،، فااكرنى نايم على ودانى .. والله ياأكرم كلنا بنتعب أنت اللي مش واخد بالك بس ..