ـ واضح أن السيد الوالد اللي دربك على الشغل ، ودخلك سوق العمل من عمر صغير عشان تتودكي وتتعلمي خبرة، نسي حضرته يوجهك ان مش كل الطير اللي يتاكل لحمه، واللعب مع الصعايدة بالذات مينفعش للي عودو طري زيك……
قطع يلتف نحو الأخرى موجها نفس التحذير:
ـ ولا زيها !………
ردت روان تشير بسبابتها نحو صدرها بإستهجان:
ـ طب وانا مالي يا حمزة، ما قولتلك أن العلاقة ما بيني وما بينها لا تتعدى سوى الشراكة……
ـ اخرسي يا بت..
خرجت صيحته بقوة، يزجرها بنظرة حادة اوقفت قلبها عن التنفس في لحظة، قبل أن يعود بتوتر شديد، وهو يتركها يضع اهتمامه بتلك المتعجرفة التي تتفوه بما يضاعف من غبائها امامه:
ـ طيب انا قليلة الخبرة عشان بدافع عن أملاك الشركة وبقف ضد الفساد، حضرتك عايز ايه دلوقتى .
بابتسامة متسعة وملامح مسترخية عكس ما دخل بها:
ـ ولا اي حاجة، انا كنت داخل بس اشوفك واخليكي تعرفي الوش ده عشان لما تروحي النيابة بكرة وانتي مطلوبة في التحقيق تعرفيني،…..وحكم نسيت اقولك صح…..
توقف برهة يفرك بطرفي إصبعيه يدعي التفكير ، يستطرد بتسلية:
ـ المقاول اتقبض عليه من نص ساعة بس قبل ما ادخلك وزمانه دلوك بيقر عليكي وعلى كل اتفاقك معاه بالتفاصيل