– مفاجأة، مفاجأة إيه ؟؟
رفعت “بيسان” شعرها القصي للخلف بدلال ثم هتفت بحماس …
– إنت ناسي إن إنت عيد ميلادك بكره !!!
تفاجأ “بكر” بتذكرها فقط كاد ينسى تمامًا …
– ياااه، تصدقي نسيت خالص …
أجابته “بيسان” بتحذير وسط شقاوتها اللطيفة …
– فاكر بقى، ولا مش فاكر، ما ليش فيه، إحنا بكره حنسافر يعني حنسافر، أنا جهزت كل حاجة، وعامله لك مفاجأة تجنن …
لمس “بكر” أنفها بسبابته يداعبها …
– أتاريكي الأيام إللي فاتت دي كنتِ مشغولة طول الوقت ..
بقلم رشا روميه قوت القلوب
بخيلاء شديدة وهي تلتف حول نفسها بإنبهار مما إستطاعت الترتيب له بنجاح …
– شوفت بقى، أنا دماغي صعبة أوي …
إبتسم “بكر” فقد مُلئت حياته بوجود أميرته الصغيرة “بيسان” …
– خلاص بكرة أجازة، و حنسافر سوا زي ما إنتِ عايزة …
★★★ـ
مع بداية ساعات الليل وبتهرب من نفسه ومن يحيطون به أيضًا ، جلس “بدر” بإحدى طاولات النادي واضعًا أمامه فنجان قهوة يناظره بتأمل كما لو كان يتحدث معه …
– ما ليش غيرك دلوقتِ يحس بيا …
تنهد بعمق فقد شعر أن حياته ليس لها قيمة ولا معنى ، دق هاتفه ليخرجه من تعاسته المخبأة بداخل قلبه ليتطلع نحو شاشته ببسمةٍ ساخرة قبل أن يجيب واضعًا قناعه المزيف السعيد …
– حبيبي الغالي ، فينك يا راجل، بقى لي كتير ما شوفتكش …