بقناعة تامة وإنصياع للأوامر …
– أكيد يا باشا مش محتاجه تأكيد …
أشار له “جلال” بالإنصراف ليرفع هاتفه ليجري مكالمة أخيرة للتأكيد ما تم الإتفاق عليه …
★★★ـ
جلست “بيسان” بتوتر داخل سيارتها وهي تتلفت يمينًا ويسارًا في إنتظار من حدثها للتو طالبًا منها مقابلته بهذا المكان للتفاهم معها بأمر هام، جالت بتفكيرها بتشتت فيما سيخبرها به مما سبب لها بعض التوتر لتبث الشجاعة بداخل نفسها …
– جرى إيه يا “بيسو”، إجمدي كدة أمال، مش هو ده إللي إنتِ كنتِ عايزاه، طول عمرك جريئة وقوية، بس هو إتأخر كدة ليه ؟!!! مش عايزة دادي ياخذ باله إني كل شوية بقول له حاجة ومش بعملها ، بس خلاص آخر مرة ، آخر مرة ، وبعدها حنفرح كلنا …
★★★ـ
بعد مرور عدة ساعات ، فيلا “بكر العطار” دلف “بكر” للتو باحثًا عن صغيرته …
– “بيسان”، إنتِ فين يا قمري ؟؟؟
أجابته “بيسان” وهي تتشدق بعنقها حتى ينتبه لها والدها …
– أنا هنا يا دادي، ها عملت إللي قلت لك عليه؟
إبتسم “بكر” ممتثلًا لأمر إبنته …
– خلاص يا ستي، أخذت لك أجازة وفضيت لك على الآخر أهو، مش هو ده إللي كنتِ عاوزاه …
زمت شفتيها بزهو فقد حقق لها والدها طلبها كما تريد تمامًا …
– وأنا كمان مجهزه لك مفاجأة، بس مش قادرة أخبيها أكتر من كده، أنا بقى لي كام يوم بحضر فيها …