غادرت النادي على الفور وقد ملأها الحماس لما ستقوم به …
★★★ـ
أستهلك نفسه أكثر مما ينبغي حتى صار يتخبط بكل المسارات ظنًا منه أنه يسير بالطريق الصحيح …
أخذ “بدر” يتجول هنا وهناك ، بعض الوقت يقضيه بشركة الإلكترونيات خاصته، والبعض الآخر ما بين المطعم أو النادي، يظن بأنه بذلك يملأ فراغ لا يمكنه ملئه، حتى لو قضي الوقت بأكمله خارج البيت فهو مازال يشعر كما لو كان إناء مفرغ كل ما حوله يسبب له صدى دون أن يترك أثر أو بصمة بحياته، كما لو كان دخان لا يؤثر ولا يتأثر …
★★★ـ
شركة جلال للحراسة الخاصة والأمن …
رغم مرور يومين كاملين إلا أن ترتيب العمل لم يتم بالوجه الأكمل ليباشر “جلال” بحزم وصرامة …
– ها يا “أسعد”، حصل ؟؟
بإمتثال تام لأوامر قائدهم …
– كله تمام، متقلقش يا “جلال” باشا كله تحت السيطرة …
تساءل “جلال” بشكل مبهم …
– و إمتى حتخلص، أنا مش عاوز عطلة …
بنظرة جوفاء لشخص لا قلب له أجابه “أسعد” …
– النهاردة يا باشا، النهاردة …
بفخر بقوة رجاله وإلتزامهم أثنى “جلال” على “أسعد” ومن معه …
– الله ينور، عاش، مستني منك إشارة عشان لسه في شغل كثير …
– ما تقلقش يا باشا …
بقلم رشا روميه قوت القلوب
رفع “جلال” سبابته محذرًا فهي ليست أول مرة يقوم بمثل هذه المهام …
– وما فيش داعي أفكرك إن إللي بنعمله ده سري جدًا ، ما حدش ياخد بيه خبر أبدًا ،خصوصًا إن إللي طلب الشغل ده مني مش عايز يظهر في الصوره مهما حصل …