رواية كفي والمنجمة كامله وحصريه بقلم الكاتبة Leo alfatlawi – للقراءة المباشرة والتحميل pdf
شلت راسي باوعتله هذه شنو يقصد
فتحت العلبه وطلع الساعه
عزا صدك دتحجي سيف تعرف هاي ابيش
اي اعرف غير اني الدافع افلوسها
مااريدها بس هيج سالت رجعها والله متسوه
– باجر عيد ميلادج كل عام وانتي بالف خير ردت اول واحد يعايدج اني وان شاء الله السنه التجي نحتفل بي سوه بيتنا واتكونين حلالي
سحب ايدي ولبسني الساعه وشالها باسها سحبتها استحيت من مريم يمنه
اتشكرت منه ورجعنه لمكانه لان صار وكت الغده اباوع للساعه واباوعله يمشي كدامنا ابكد ماكارهته ابكد ما كاسر خاطري اشكد يسوي واشكد يشتريلي بس موبيدي شعور غصبا عني احس بي مااكدر احبه يمكن لان يشرب ويعاملني هيج ايخليني ازيد بكرهي ونفوري منه او اني من الاصل مااطايقته مااعرف
وصلنه كالعاده ماما متسكت لان اتاخرنه وضلت اترزل اني اسمع واغلس وسيف يبتسم كعدنه صبو الاكل اكلنه وشربنه جاي
طلعو طاولي يلعبون وحنه نتفرج عمو وابو مريم واخوها وسيف طبعا الشباب جانو يغشون اهواي وتكب العيطه وحنه ميتين ضحك عليهم
عمو قتيبه يگله اني كم مره اگول ماالعب وارجع اعيدها مااعرف اشلون انته واحد منحط مومال لعب