رواية كفي والمنجمة كامله وحصريه بقلم الكاتبة Leo alfatlawi – للقراءة المباشرة والتحميل pdf
ذوله مشايفتهم بالمنطقه قبل لبسهم يختلف مولبسنه ولافين على راسهم غتره
اسمع واحد يصيح بماما ويكلها هسه اتجيبيها لواحركج انتي وبيتج
ماما كامت تلطم على وجها اتكله ماكفاكم السويتو هسه اجيتو على بتي خافو الله
هاي بتنه وناخذها غصبآعلى اكبر واحد بعشيرتج
خفت ذوله شنو يحجون ولويش عمو بطل ميحجي منو ذوله شنو خاف منهم لو شنو
ماما ليش اتعيط وتضرب على وجها نزلت رحت يم ماما اريد اعرف منو ذوله وصلت يمها بعدني استوني دااكول ماما منو ذوله اندارت عليه وكالت رجعي للسياره ابسرعه
بس واحد منهم كال كفو والله عرفنه ترباتج شنو جان يحجي بستهزاء لان امبين ماعاجبه منضري ورد كال تعالي لاترحين
–انتو منو وين اجي
–اني الطلي العايفج بيد هاي ال—– اتربيج
رد بعصبيه بدون لاتفتهمين ولي للسياره صعدي ابسرعه لاانعل اهلج
خفت رجعت ليورا بس الثاني اجه سحبني حيل وشالني شمرني بالسياره ردت اصيح كال اذا هيست حسج افرغ السلاح ابراسج وانعل ابو امج
خفت لان شفت صدك سلاح بحزام متنا موجود خنست امتانيه ماما اترد
العجيبه عمو ساكت ويهدء بيها وهيه تبجي اتكله لويموتون ماانطيها هاي بتي
اجه الولد صعد وسد الباب حيل والثاني صعد هم ليكدام قبل لايحركون السياره فتحت الباب وردت اشرد بس جان اسرع مني نزل ابسرعه وسحبني من شعري ورد صعدني دفع وصعد يمي دفعته صفعني راجدي حسيت وجهي انشل خفت ضليت بس ابجي واتوسل يعوفوني اباوع السياره تمشي وماما تلطم وراي وعمو يسكت بيها