رواية كفي والمنجمة الفصل العاشر 10 بقلم الكاتبة Leo alfatlawi – للقراءة المباشرة والتحميل pdf
خلصت شغلي بعد مااتريكت رحت ادور علي لكيته على السطح يلعب طوبه ويه مكرم اول ماوصلت كلتله اجيييت
–وشنهو اتبشريني ولي غزل لاتجي بيج الطوبه تالي يخربط وجهي مؤتمن
–لاع تره اعرف العب انطينياها
مكرم. اني تعبت بعد ماالعب وانتي ولي لاتجين اهنا ردي نزلي
مصطفى. مالج شغل بي خلي يولي تعالي گربي اخذي الطوبه
ضلينه اني ومصطفى نلعب هوه يعرف يلعب ساعه اركض ورا لمن كلبي يوكف كوه ينطيني الطوبه لمن يشوفني راح ابجي
اصواتنه جانت عاليه ومتونسين بالعب لمن
كام مكرم كالنه يلا كافي اسمع سياره مؤتمن اجه اتطافرنه كلمن بجهه كعدنه بس ميتين تعب هاي الايام كله نكضي فوك لان شمس حلوه واحنه من البرده اي مكان بي دفو نركض ورا
صعد مؤتمن هوه وسماح يمنه طبعا كالعاده مؤتمن ميعجبه لا منضري ولالبسي
كعد هوه وسماح يم مكرم يباوعلنه اني ومصطفى ويسولف ويه مكرم امبين على اوجوهنا ميتين تعب من العب وانكابر بس الحمد الله ماله خلك يحاسبنه لان امبين راسه يوجعه كل اشويه وفركه اخر شي نزل مصطفى غمزلي وكال اشتغل العمل اخذي احتياطاتج
يوم عن يوم يمر ومؤتمن اتزود حالته بالنهار اعصابه متوتره وبليل راسه يوجعه ميكدر ينام اكثر الاوقات ينام بغرفتي يكول اهنا ارتاح حتى راسي يهود