رواية كفي والمنجمة الفصل العاشر 10 بقلم الكاتبة Leo alfatlawi – للقراءة المباشرة والتحميل pdf

مصطفى. هانت يخوي ماضل شي اخلصج من هذه الغثه بس صبري اشويه اتهون اذا ماخليته وراج يبجي مثل المره مااطلع ابن ابوي

–مااتصور راح اخلص منه

–افا وانه اخوج مايعبر الاسبوع واله وانتي تفترين بشيكاغو

هوه يحجي واني الشهكه تطلع من كلبي جان يباوعلنه من بيعد وگالب خلقته

صبو العشه وكلهم التمو ياكلون جدو صاحلي اشرتله مااريد ضليت على كعدتي مااريد اكل وهوه بوجهي اشكد كارهه وجوده واتمنا يموت واخلص منه

هوه ياكل ويضحك ماهمه الاهانه السببها الي وخلاهن يتشمتن بيه ضحكتهن تارسه اوجوهن دمعتي مانشفت واني اشوفن اشلون وحده تندس الثانيه ويضحكن عليه اتكول عبده عدهم وهيج ساحكيني

دخلت للامام بعد مالحت عليه عمه ازور وياها

دخلت جوه وصلت للضريح خليت راسي على الشباج وبجيت من خاطري ضلت اترجى يندعيلي يم رب العالمين يخلصني منهم عمتي كالت يمه صليلج ركعتين مال الزياره

ماارديت يعني لازم كل اشويه يذكروني اني مااعرف اصلي وهمه لاواحد يعلمني ولايسكتون

طلعنه شفنا بالصحن يم الحايط امجتف ادي ومدنك امبين بردان وصلنه يمي عمتي كلتله يلا يمه خلصنه شال راسه يباوعلي اخذ نفس واجه يمي كال عليش تبجين

مارديت لان جانت الشهكه كامشتني

دعيتي عليه غزل

ماجاوبته درت وجهي عنه وطلعت ويه عمه وهوه ورانا جان يمشي اسمع حسرته توصل يمي