رواية كفي والمنجمة الفصل العاشر 10 بقلم الكاتبة Leo alfatlawi – للقراءة المباشرة والتحميل pdf
خبلتني سماح اخاف اريد اصير من اسمعها ارجع انتكس اكثر لمن صاح مؤتمن بيها سكتت
الحمد الله اشويه ورجعت لوضعي صرت احسن كلته مابيه شي خلي نرجع للسياره جان واكف كدامي متخصر صافن على حضه والطلعه مالتنه
صعدنه وخبرهم كلهم كملو طريقكم نتلاكه اهناك لان امبيه شغلتي داجه اليوم
–ههههههههه وعلي طياح حظ واذيه جبتها لروحي يلا جاي وراكم
سد الجهاز وشغل سياره باوعلي بالجامه الاماميه وكال لخاطر محمد خلي نوصل غزل لاتطلعلي شغله
اشرتله باأي وخليت راسي على متن سماح مااعرف لويش احسها محنه بيها حتى مؤتمن اكثر مشاكله يجي يشكيهن الها وهيه اتشاركه وتنطي نصايح يحلهن
من طيبت كلبها جامعتنه حوليها وحاسبتنه عائلتها خاصين بيها مترضه واحد يأاذينه
كملنه طريقنه وصار اليل يالله وصلنه من سالت سماح كالت هذه النجف
خله سيارته بالكراج وكملنه طريقنه مشي الفون بيده يخابر وتهاني ركضت كمشت ايده الثانيه وحنه ورا وصلنه يم الامام مكان جنه على طريق المخابره اندليناهم اتلكتنه عمتي
–ليش هيج اتاخرتو خليتو بالنه يمكن
–ماكو شي عمه هياتنه وصلنه الله عمه المكان يجنن يلا ادخل ازور
–لاخليج للوجبه الثانيه روحي كعدي هاي فارشيت