رواية كفي والمنجمة الفصل السادس والثلاثون 36 بقلم الكاتبة Leo alfatlawi – للقراءة المباشرة والتحميل pdf
بس والله اطلع اليله اليوم من اعيونكم
سماح. اشبيج غزل
شلت راسي كلتله كلبي دينغزني
–يمه اسم الله اشبيج
–مااعرف ولج يمكن اخذت العلاج مرتين نسيت وهسه ديوجعني كلبي
–اصخام بلكي يوكف وتموتين ولج غزل ثوله انتي اشكد علمج مؤتمن كلج ويه الساعه مره وحده بالسبعه لخاطر متنسين
–موالبارحه نسيت اخذ باليل اخذت الصبح ورجعت من المدرسه نسيت اني ماخذه اخذت مره لخ
–مااعرف بس هسه انام بلكي ارتاح
–ياع واني اتانيج بلكي ترتاحين شو ميلي عني
كامت جرت الفون خابرت مؤتمن كلتله تعال لغرفتي ابسرعه
اني سمعت هيج سحت وحدي علمود ابين صدك خليت الكتب حجيت عود بصعوبه تره مابيه شي وعندي امتحان فدوه درسيني
–ولج يادراسه وانتي مختنكه دعوفيها وبعدين شهالمكياج والله فايخه انتي
–اشعرفني جنت كاعده ضايجه لهيت روحي لعب اشويه بخلقتي
احنه نحجي ودخل مؤتمن كال خيركم
–تعال عيني ماكوشي بس اغزيلان ماخذه مرتين العلاج وهاي كدامك محتاره بيها وين اوديها
–تره مابيه شي هسه اصير زينه اشبيج انسبيتي
–مؤتمن تراها اتكابر هسه جان كلبها يوجعها اتجذب هاي
مؤتمن. كومي لبسي اخذج للمستشفى
–لااا مابيه شي مااروح مالك شغل بسماح هسه انام اصير زينه