6
-ؤك ؤك بس عوفني الله يخليك وماراح اخليك اتشوف وجهي لمن اموت اذا شفتني صدك اكتلني
+
الحمد الله الله هداه دفعني وطلع بس حسيته كوه كامش نفسه ميريد يضربني واكو ندم بعيونه يمكن اتندم بعدما شاف سيف هيج وضعه معقوله عنده احساس ويحس مثل البشر والله كلشي يصير ماعرفت شنو سوه لسيف وخفت اسئله خلي انقذ روحي منه هسه ذاك هو يدبر روحه
10
للعصر ومحد دخل واني متت جوع صار الليل ايست منهم هم ماكو لااكدر اطلع ولااكدر اضل متت جوع
1
رحت فتحت الشباج ضليت واكفه اباوع البيت الكدامنا هم طلعن منه بنات بس وحده ضلت واكفه اتباوعلي من بيعد اندكت الباب
دخلت هيفاء اجت كالت عذريني التهيت بالشغل ماكدرت اجي
+
-لاعادي مصار شي بس فدوه ميته جوع اريد اكل
+
– دقايق واجيبلج الاكل
+
-اكولج شنو الهوسه الصارت من اشويه اسمع اصوات عاليه
+
– مااعرف بس عادي لازم تتعودين يوميه اطلابه تجينه ويحلوها لان مؤتمن ايد الشيخ اليمنه وهو الياخذ الشيخه بعده خاصاً هسه الشيخ بالحج وهو كاض المضيف مچانه
36
اشرت اي لان عرفت مؤتمن لام السالفه ميريد فضايح والله اعلم شمسوي بسيف
+
طلعت اشويه وجابتلي صنيه اشكال بيها شكلها يشهي خليها على الجربايه وكعدت يمي اتسولف خطيه بس مستحيه كوه تحجي خليت اللكمه بحلگي وكلتلها -لعد اختج عليمن طالعه مسمومه يمكن على مؤتمن