+
-عفيه فريال زارعتلي بكل زويه معزه شكل
13
-نامي يعمه وسوي روحج متدرين شنهو صار تره هذا مسودن يرد يطكج ويطلع قهر كلبه بيج ستري على روحج ونامي
+
راحت طلعت واني كمت رحت وراها للباب اشوفه بلكي رجع كل دقيقه امد راسي هم ماكو هدوء صايره سنطه سديت الباب ورجعت ضليت اكثر من ساعتين امتانيه بس كلبي نار على سيف خاصتاً من كالتلي ماضل شي صاحي بي وين عنه عمو قتبه وماما اشلون يخلوا يجي لهنا
+
اشكد مشتاقتلهم مواتكول كم يوم اتكول صار دهر مشايفتهم شنو حال ماما هسه وراي اكيد مريضه وله لويش ماسألت عني اكيد سكرها صاعد ومتكدر تتحرك اعرفها كلما اتصير مشكله يعصد سكرها واتضل اسبوع بالفراش مريضه سوده عليه
+
حسيت الباب انفتحت بسرعه غمضت اعيوني وسويت روحي نايمه مثل مكالتلي عمه اسمعه سد الباب واجه للجربايه وخر الغطه وتمدد اخذله دقايق واسمعه يتحسر ضل فتره طويله يتكلب مااسمع منه غير كل اشويه يستغفر وينعل بحرگه اخر شي كام فتح الشباج ووكف يدخن حست بي اندار باوعلي كلبي راد طلع من صدري على كميه الخوف الحسيت بيها خفت يكشفني مانايمه
يخلص جكاره ويبلش بالثانيه ضل بالساعه على هاي الحاله
+
لمن اجه اتجاهي دنگ وخر شعري عن وجهي حرك اطراف اصابعه على خدي بخفه اخذله صفنه كلبي جان يدگ الف دكه بالثانيه من الخوف