رواية كفي والمنجمة الفصل الحادي والثلاثون 31 بقلم الكاتبة Leo alfatlawi – للقراءة المباشرة والتحميل pdf
اتربعت ارتاحيت اخذت حقي
— مصطفى انطيني خبز
شلت راسي لكيت مؤتمن يااشرله بلا
–جدو مصطفى اكله انطيني خبز يكول سم انطيج
جدو. بالعباس مخابيل كلمااكول ربيت زلم اطلع غلطان
مصطفى. جدي منهو واصل صوبها اشبيك من الصبح تراها اتجذب
–هيه اتجذب وانتم شكو خالين عقلكم وياها اشبيكم دسودتنو
كام مؤتمن كال يلا مصطفى هم يالله تجي بسيارتك لواخذك وياي
–لاروح جاي وراك عندي شغل لازم ارجع بسيارتي
اسوته مشه كام مصطفي قبل لايطلع دفرني برجلي على السريع وراح وره مؤتمن
واني صرخت جدوووو ضربنييي
جدو. شنو اليوم مانتزقنب ولكم اشمالكممم
طلعو ابسرعه يتضاحكون قبل لايتوالهم
رجعت سكتت وكملت ريوك وبيبي اتدردم لان حجه على مؤتمن اليوم شيخلصنه حفيدها اترزك
على طول اليوم تهاني ورجاء يفترن يردن شغله يكمشنها اترزل عليها بس ابد ماانطيت لزمه
وسماح جانت ابضهري اجت خالتي وسمر بس سمر على وضعيتها بس خانسه كعدنه سولفنه اجت حبيبه حلت الكعده
طلعت الفون شافته حبيبه كالت هاا واخيرا رجع
–سكتي بعد تواسيل وتدخلات من مصطفى وهوهسه كلتله ذكريات الطفوله يالله قبل بس اكو فيديوات ممسوحه
–دتعالي خلي انشوف شمصخمه بي وين جنتى عايشه رواينه
فتحنه الفيديوات وطلعنه الصور وكل شي جان بي ذكره اسولفها ساعه اضوج وساعه اضحك اكو اشياء وصور جانت اتضحك جنت اترجملهن شنو احجي بالفيدو وحبيبه امسنكره من الضحك ابسبب فطاريتنه