رواية كفي والمنجمة الفصل الحادي والثلاثون 31 بقلم الكاتبة Leo alfatlawi – للقراءة المباشرة والتحميل pdf
ام مؤتمن. اي ويتزوج شنهو عندج مانع يفريال ابني وبكيفي اعرسه عسما 10 وبنتج اخرها بس للخدمه وفنج تفجين حلكج
–عزا ابعينك ولك مؤتمن صدك اتزوجت على غزل
مؤتمن جان يسولف وياهم بس صوت ماما الخلاه يكطع السالفه وانتبه الها
كام واجه كالها كومي عمه تعالي وياي لاتضلين اتشمرين بالحجي اهنا
–اي اكوم لويش لا حسبي الله بيكم من جبيركم لزغيركم
جان واكف واعاصر جف ايده حتى اعروكه ناطه امبين امفول لان كالتله عزا ابعينك واتحسبت مااعرف اضحك عليه مااعرف خاف يرجع يتعارك ويه ماما
اخذها وراح كام مصطفى وراه رجعت اباوع لعمتي امنيتي البس الكدر ابراسها شهالخباثه
رجعو يسولفون بس الشيخ جان ضايج يسبح ويعصر بسبحته مدنك
كام عمو قتيبه كلي تعالي بابا كمت رحت وكفت يمه حضني وباسني كوه جريت روحه خاف يجي مؤتمن يسويلي شغله
هذا لباله بعدني مثل قبل سولف وياي شنو معتازه واشياء اهواي بس واحد من الكاعدين اجت احجايته بأذاني يكول لليمه خيعونه مؤتمن هيج واحصلي بغداديه تدلل على كلبي بوياي
هسه عرفت مؤتمن لويش ضامني عن اعيونهم لان يعرفهم وصخين ماكو هيه دقايق واستغلو اغيابه وشمرو حجي