رواية كفي والمنجمة الفصل الثامن 8 بقلم الكاتبة Leo alfatlawi – للقراءة المباشرة والتحميل pdf
يباوعلي محتار بس وهنه مستمرات لمن اقتنع اذا اخذني مالحك اموت بالطرق لازم الجده تشتغلني ابسرعه خلينه يطلع قفلن الباب
بيبي. اذا سمعت صوتج اجسر العصه على راسج واموتج بيدي خليها اتخلصنه من بلوتج
الالم جان اموتني اتكلب اتكلب وانوب هاي اتخوف الواكفه على راسي
اول ماخلت ايدها على بطني حسيتها شعلت روحي كل صوت يطلع مني يشيل البيت شيل هيه اتشتغل واني اشيل روحي واركها بالكاع من الوجع جان مينحمل حتى تخدير ماانطتني من حسيت روحي رخت وبيبي واكفه على راسي كل صوت اتكول وسم عساج ماگمتي بعد مااحس بشي حتى صوتي راح
العجوز. هاي تنزف مااكدرلها خلي زلمتها ياخذها للمستشفى
بيبي. اتصخم اوجوهنا هاي اذا اخذها هوه الدافعها تالي يبلو ويروح بيها
–جاهاي اتموت مااكدرلها لاتذبوها ابراسي
–متموت كملي شغلج
–لاحجيه مالي شغل بيها شيخلصني من زلمتها اذا صارلها شي
عافتني الوج وطلعت لميت روحي اريد يهدء الالم اشويه
دخل مؤتمن دنك عليه وخر شعر عن وجهي كال وين اوديها
–عوفها دزيت احمد يجيب الجده ام سعد احسن من هاي الفاهيه
جنت بس اباوعله ودموعي تنزل مابيه ارد كال احجي بيج شي غمضت حسيت روحي رخت ماعندي طاقه