رواية كفي والمنجمة الفصل الثامن 8 بقلم الكاتبة Leo alfatlawi – للقراءة المباشرة والتحميل pdf
–تمام لعد وين رجاء موعليها الاماعين
–اي اهواي احمد يخليها اتمد ايدها كملي وسكتي
–لويش عيني وين التحفه رجلج ميحجي موخدام يم اخته احنه
–غزل انكتمي بالعباس بس يسمعج يفصم راسج بسج مشاكل
وكفت يم السنكي اغسل الاماعين دخل احمد
اجه يمي كال بعدي خلي اغسل اديه
وخرت عنه غسل اديه ونكثهن ابوجهي حضرته يتهزل بالبرد اشكد ماصخ
اخذت الاماعين ورحت بره اسفطهن شفت جدو كاعد
–هلايبويه صباح الخيرات اشلون صرتي
–تعالي كعدي يمي لاتضلين تفترين
–لاوالله جدو مابيه شي
–ميخالف تعالي يمي خلي اشوفج عن كريب
رحت كعدت يمه حضني وباسني كال اشوكت تتحجبين بويه وليش متلبسين مثل خواتج كلبيه
–هااا والله نسيت جدو هسه اكوم ابدل
–يلا خليج ماعدنه احد بس مرة ثانيه ازعل عليج
–مم والله جدو نسيت لاتزعل خلي اكوم قبل لاينزل مؤتمن هسه يضل يعيط عليه
–اشحده غير اجسر اسنونه
–على سالفه مؤتمن جدو اسكت تره نزل
–يابه سكتنه من البارحه اجه خلقته مكلوبه ماعرفت اشبي
سكتت سويت روحي ماادري اشبي اجه يمنه صبح على جدو وكعد ولااتكول اني كدامه اصلا مااعبرني
جدو. اليوم عدنه مشيه وفصل حضرت امورك
— اي سحبت من الصندوك عشره