رواية كفي والمنجمة الفصل الثامن 8 بقلم الكاتبة Leo alfatlawi – للقراءة المباشرة والتحميل pdf
كعدنه اول شي فتحت العلبه وكلتله مكرم شنو رايك بيها اشرلي ؤك ذوق
— هاي الماس تره
–اعرف بت خالي تشتغل عالثكيل ماادري عليمن طالعه
–تره هديه منه ماطلب اني تعرف مااحب الذهب
ام مؤتمن. يااا وانتي وين شايفه الالماس وتتطلبين
–والله تردين الصدك اني مجنت اطلب الهدايه تجيني وفوكاها هوه يتوسل لخاطر اقبل البسهن مره اشترالي ساعه بعيد ميلادي بسعر بيتج
–ياومنهو هذه اليشتريلج هيج اشياء
قبل لااحجي مؤتمن كام وكال يلا فضنها كومن عافنه ومشي كمنه ورا على السريع المن بغراضي واني كلبي معصور هسه اني اشلون فلتت هيج شي كدامه امداي علمود احرك تهاني راح احترك اني شلت الغراض وساعدتني هيفاء رحنه للسياره سمعت تهاني وراي تبجي يطبها مرض هسه واذا بجت اشو نسوان مؤتمن اليوم كضنها مناحه ياربي دخيلك بسلا اني وراهم يوصلني السره
وصلنه بالشافعات للسياره متت تعب شمرت العلاليك وكعدت ميته تعب مؤتمن غير مكانه كعد يم تهاني لان شافها تبجي
كلبي نغزني عزه لويش هيج دااحس شنو بسلا غرت ولويش اغار قابل ياربي دخيلك
حركت السياره خليت راسي على الكشن جانو وراي مباشر كاعدين اسمع ضحكها ويا بس صوته مااسمعه