رواية كفي والمنجمة الفصل الثامن عشر 18 بقلم الكاتبة Leo alfatlawi – للقراءة المباشرة والتحميل pdf
دخل شيخ جبير وجهه نوراني ضخم لابس عباء مثل جدو بس صايه وياها شكله امرتب وهيبه كال السلام عليكم
ضحك رد كال الحمد الله على سلامتج يبه شبلاج شنهو ماطاحلج جونه
–لاعمو بس تعبت اشويه
–يلا بوجود مؤتمن ان شاءلله ميصيبج شي متاكد زلمه وراح يدللج بنيت عمه انتي العزيزه
ضحك ورد يسولف ويه مؤتمن ويوصي بيه يكله دير بالك عليها هاي بت العزيز ولو متعتاز توصله شيخ وتعرف الله بحريمك مشهودتلك ابن حموله
كعد اشويه وضلو يحجون على شغل ماعرف شنو بس يمكن مشروع جديد بينهم
اخذله عشر دقايق وكال رخصوني بعد كام رجع اتحمدلي عالسلامه وطلع راح ورا مؤتمن
عمتي ضليت وياي بالغرفه باتت نايمه بليل وحس احد يلعب بصابيعي عرفته مؤتمن جان يمرر اصابعه على ضفري الكسره ويتحسر نزلت ادموعي اتذكرت اشلون ضربني وكص اضافيري
جر نفس ومسح ادموعي گال لاتبجين يعله كلبي وحك علي اموتن من اشوف دمعتج نازله ابسبتي كافي ابروح ابوج غزل وروح عمي مااتحمل اشوفج هيج
–اكتلني وكول لاتبجين تاركني وتكول احبج مداافتهم الدتسوي شنو الغلط مني لو منك مداافهم
–وروح عمي كل طريقه اتبعتها وياج ولج وحك علي محتار اشلون اتعامل وياج باقي بس اتصفن حيرتيني مااعرف شتردين كل دقيقه مزاج شكل خبلتيني