رواية كفي والمنجمة الفصل الثامن عشر 18 بقلم الكاتبة Leo alfatlawi – للقراءة المباشرة والتحميل pdf
–مكرم اخذني بطريجك يبوي لان عندي شغل وانتو ضلو مصطفى جيب عمتك وجدتك وهسه ادز ام مكرم مجانهن خليها يم غزل
طلعو خابرت احمد يجيب النه قماصل لان صار وكت الصبح كامت اتذب ثلج موبرد وغزل هم لبسها خفيف وبلاحجاب
مؤتمن كل دقيقه رايح لغرفه الثوله يشوفها اذا كعدت يلكاها بعدها يرجع
دخل احمد بيده علاكه الملابس سال عن اخته وهذه دوم يجي متاخر يومين وره الحدث جنه اختى قمت الثول شايل گال هااا اشمالها غزل
مؤتمن. اترك غزل وبوجهك عالمصنع الحگ مكرم لحاله
–وهاي مافهمت اشصابها
–مابيها شي اتعارضت وهسه ردت صحتها يلا اتوكل وانته مصطفى هم روح
–خلي تصحي الثوله واروح وين اتريد انته
–بس اشوفها ثواني مااتاخر
–بالعباس لوجانت الكعبه اهنا مازارتها هلكد
اخذ نفس تحسر ورد لغرفتها -روح بعد خوج جنها زيطه خلتك امسودن وراها
جاي البس القمصله والمح سما كدامي
فتحت اعيوني واحس الدنيا غواش وبلاعيمي تحركني اريد اميز المكان الصوره موواضحه اسمع مؤتمن صوته يمي بس مااميز شنو يحجي حركت ايدي حسيته كامشها
غمضت اخذت اشويه ورجعت فتحت اعيوني شفت روحي داخل غرفه واجهزه طبيه عرفتها مستشفى